পোইরৈ লৈমরোলগী প্রেসিদেন্ট ইমা মেমচৌবী লৈখিদ্রে
ইম্ফাল, ওক্টোবর ১ : মণিপুরদা থোকখিবা মীয়ামগী ঈহৈৗশিংদা অচৌবা থৌদাং লৌদুনা লাকখিবা পোইরৈ লৈমরোল অপূনবা মণিপুরগী প্রেসিদেন্ট ইমা এল মেমচৌবী ঙসি নোঙ্গাখ্রে। মশাগী চী ৮৪ শুরবী ইমা অসি ঙসি অয়ূক মশা ঙম্লক্তবদগী শিজ হোস্পিটালদা পুখৎতুনা লায়কন্নরবা মতুং নুমিদাংৱাইরম মশাগী অনাবনা মরম ওইরগা লৈখিদবনি।
কুমজা ১৯৮৫ গী সেপ্টেম্বর ২৫দা লিংখৎখিবা নুপী খুন্নাইগী মমিং লৈরবা লুপ পোইরৈ লৈমরোল অপূনবা মণিপুরগী অনীরকশুবা প্রেসিদেন্ট ওইনা ইমা মেমচৌবীনা হৌখিবা কুমজা ২০০৪ দগী ঙসি ফাওবা প্রেসিদেন্টকী থৌ পুদুনা লাকখিবনি।
ইমা অসি মণিপুরদা ময়াই কাবা চিঞ্জাকশিং থিংবগী খোঙজংদগী হৌরগা ইং ২০০১ গী জুন ১৮ গী মীয়ামগী ঈহৌ, থাংজম মনোরামাগী মীশি, অফস্পাগী মায়োক্তা চঙশিনখিবা খোঙজং, সিটিজেনসিপ এমেন্দমেন্ট বিলগী ঈহৌ অমদি চহীসিগী মে ৩দগী চত্থরকখিবা ঈহৌশিং অসিদা মমা অমা ওইনা মাঙজিল থানা চোংথোক্তুনা লাকখিবনি।
ইমা অসিনা লৈখিদবা মতমদা মচানুপা অহুম অমদি মচানুপী অনী লৈহৌরি। ইমা অসিনা লৈখিদবদা মায়কৈ কয়াদগী অৱাবা ফোঙদোরকখ্রে।
সোর্স: পান্দম
0 কমেন্ট:
কমেন্ট তৌবিয়ু