অহানবা এম.এল.এ বিদ্যাপতিগী মপোক নুমিৎ হোলি ডে লাওথোকপীয়ু
শিলচর, জুন ২৫ : আসামগী মৈতৈ মচাদা ইহান হাননা এম.এল.এ ওইবিরম্বা নোংথোম্বম বিদ্যাপতি সিংহগী মীতম অমা শিলচরদা খিনবগা লোয়ননা মহাক্কী মপোক নুমিৎ নভেম্বর ২৬ বু আসাম লৈঙাক্বী হোলি ডে লিষ্টতা য়াওহন্নবা দাবী তৌরক্লে। চৎখিবা জুন ২৩, শিলচর রংপুরদা নেশনেল মণিপুরী প্রোগ্রেসিভ ফ্রন্টকী ফাউন্ডেশন ডে পাঙথোকখিবগা লোয়ননা মীফমদা মরু ওইবা ৱারেপ খরসু লৌখি।
ফ্রন্টকী প্রেসিডেন্ট আই এস থিংগোমনা থৌরম মপু ওইরগা পাঙথোকখিবা মীফম অদুদা ইংকুমজা ১৯৪৬ দা এম এল এ ওইখিবা নোংথোম্বম বিদ্যাপতি সিংহ গী মপোক নুমিৎ নভেম্বর ২৬ অসিবু আসাম লৈঙাক্কী হোলি ডে লিষ্টতা য়াওহনবিবা, মহাক্কী মীতম অমা শিলচরদা খিনবিবা হায়না ৱারেপ লৌখি। মীফম অদুদা লেপ্তুনা লৈরবা শিলচর-ইম্ফাল ফ্লাইট সার্ভিস থুনা য়াংনা চত্থনবা কেন্দ্র লৈঙাক্কী সিভিল এভিয়েশন মন্ত্রীদা হায়জবা অমসুং মণিপুরদগী মতিক চারবা মীওই অমবু ভারতকী যাহা রাজ্যগী গভর্নর নত্রগা ইউনিয়ন টেরিটোরিগী লেঃ গভর্নর ওইনা হাপ্পীনবা রাষ্ট্রপতিগী মফমদা ৱাকৎ চেরোল পীশিনবা লোয়ননা আসাম লৈঙাক্না পীবা লেমজনিঙাই ওইরবা মনা 'আসাম গৌরব' 'আসাম বৈভব' 'আসাম সৌরব' নচিংবা মণিপুরী মচাদসু পীবিনবা অমসুং মণিপুরী ডেভেলপমেন্ট কাউন্সিলগী মতম হেন্দোক্না লৈরবা ফাওবা অনৌবা কমিটি শেম্নবা লৈঙাক্তা খঙহনবা অসিনচিংবা মীফম অদুদা লেপ্নখি। মীফম অদুদা ফ্রন্টকী এডভাইজর রাজকুমার সনাতোম্বা, ৱার্কিং প্রেসিডেন্ট ড. মাইমোম শান্তি কুমার সিংহ অমসুং নবদ্বীপ সিংহনা ডাইসতা লেঙশিনখি। মীফম অদুদা নৈনবদা এস নোনী কুমার সিংহ, রাখীতোম্বী, প্রভারাণী শর্ম্মা অমসুং কুঞ্জরৈ সিংহসু শরুক য়াখি।
সোর্স - মরূপ
0 কমেন্ট:
কমেন্ট তৌবিয়ু