মণিপুর সাহিত্য সমিতি থৌবালগী মনা ফংলগদবশিংগী মিং লাউথোক্লে
ইম্ফাল, জুন ১৮ঃ মণিপুর সাহিত্য সমিতি, থৌবালনা চহী অনী কান্নরগা পীবা মনাশিংগী খনগৎলবা লাইরিকশিং অমসুং অইবশিংগী মিং লাউথোক্লে।
মনা ফংলগদবা লাইরিক অমদি অইবশিং অদুদি কীর্তিচান্দ লুৱাংনা ইবা ৱাওথরবা মচু (শৈরেং) দা নিঙোম্বম ওংবী প্রমোদিনী নীংশিং সাহিত্য মনা, সুধিরঞ্জন মোইরাংথেমনা ইবা অমুক্তং লাক্লবদি (ৱারীমচা) দা অকোইজম চাওতোন, রাজকুমারী মুক্তাসনা নীংশিং সাহিত্য মনা, দাঃ থোকচোম ইবোহনবী সিংহনা মণিপুরী লোলদা হন্দোকপা মাদর তেরেসা দা অকোইজম ওজা বিজয় নীংশিং সাহিত্য মনা, লাইশ্রম মতুম সিংহনা ইবা মিঙ্গৌ খঙলকপদা ভানুমুখি (ৱারী অশাংবা) দা অকোইজম ওংবী বীনোদিনী নীংশিং সাহিত্য মনা, নাওরেম লোকেশ্বর সিংহনা ইবা মচাথোই অমসুং লাইচনুরা (অঙাং গী সাহিত্য) দা থিয়াম ওংবী তখেল্লম্বম নিঙোল ইবেচাওবী নীংশিং সাহিত্য মনা, অচৌবা য়ুন্নামনা ইবা উচেক লাংমৈ (দ্রামা) দা কবি লৈতান্থেম রামসিং নীংশিং সাহিত্য মনা, লোংজম জয়চন্দ্রনা ইবা সনারৈ নাচোম (নৈনা ৱারেং) দা অকোইজম ওংবী শীজ নীংশিং সাহিত্য মনা, লাইশ্রম মালেমঙানবা মৈতৈনা ইবা শুক্না মম্লবা থানিল (চহী ৪০ ফওবগী মনুংদা লৈবা অইবশিং) দা অকোইজম ওংবী শ্যামা নীংশিং সাহিত্য মনা, একেন্দ্র তেনসুবনা ইবা নুংশিৎ শীৎতনা উনাসে লেংলে (ঈশৈ ময়েক) তা অকোইজম ভুবন সিংহ নীংশিং সাহিত্য মনা, লনচেনবা মীতৈনা মীতৈ খৌরম্লোন অরিবা (মণিপুর নাৎ) তা অকোইজম ইবেচা দেবী নীংশিং মনা অমসুং ক্ষেত্রিময়ুম বীর সিংহ, ককচীং সুমাক লৈকায়দা লৈবদা চহী ৭০ মথক্কী অইবশিংদা পীবা অকোইজম লীলাবতি দেবী নীংশিং মনা (লাইফতাইম এচিবমেন্ত) নি হায়রি।
সোর্স - পোক্নফম
0 কমেন্ট:
কমেন্ট তৌবিয়ু