কালচার অমদি নাৎকী ওইবা মরী থম্নবা গুৱাহাটিদা লৈমা লুপকী ৱার্কশোপ
আগরতলা, জুলাই ০২: থা অমা চুপ্পা মণিপুরী লৈমা লুপ ইষ্টার্ন গুৱাহাটিগী ৩শুবা মণিপুরী কালচারেল ৱার্কশোপ পাঙথোকখ্রে, লোয়ননা মনা মথুমসু য়েন্থোকখ্রে । লুপকী প্রেসিডেন্ট এনজি বিজয়া কৈসামনা থৌরম মপু ওইরগা লোইশিনবগী থৌরমদা আই সি সি আর, নর্থ রিজনগী ডিরেক্টর নিংথৌজম মুনিশ মীতৈ, দিল্লী হিন্দু কলেজগী প্রোফেসর ডিন নাওরেম সান্তাকুস, ৱার্কশোপগী জগােই ওজা মৈস্নাম পিন্টু নচিংবা শরুক য়াখি।
জগোই-ঈশৈতা নত্তনা মহৈ মশিং, শান্ন খোৎনবগী লমদা মায় পাক্লবা অমসুং স্কোলারশীপ ফংলবা অঙাং শিংবু ইকাইখুম্নখি। মণিপুরী ফোক্ অমসুং ভারত নাট্যম জগোইদা নেশনেল থাক্তা মায় পাক্লবী মিস মেম থোইবী অমসুং সংকীর্তনগী লমদা ওজা পি জয়চন্দ্রবুসু লুপকী মাইকৈদগী ইকাইখুম্নখি। ক্লাস ১০ অমসুং ১২ পরীক্ষাদা চাদা ৮০ অমসুং মসিগী মথক্তা চাদা নম্বর ৱাংনা ফংলবা মহৈরোইশিংবু পুক্নিং থৌগৎতুনা ইকাইখুম্নখি। অঙাং শিংনা তোঙান তোঙানবা জগোই খুদোল তমখিবগা লোয়ননা পেনাগী ফজরবা খোঞ্জেলনা শীনখিবা থৌরম অদু মায় পাক্না লোইশিনখি হায়না শিলচরদগী ফংবা পাউদা হায়রি।
সোর্স : মরূপ
0 কমেন্ট:
কমেন্ট তৌবিয়ু