বাংলাদেশতা থা অহুম চুপ্না পাংথোকখিবা ''১বা ওজা শগোলসেম বিনোদ নিংশিং কাং টুর্নামেন্ট-২০২৬'' লোয়শনখ্রে
সিলেট, জুলাই ০৪ : সিলেট সিটি কর্পোরেশন মনুং চন্না লৈরিবা নয়াবাজার মণিপুরী পাড়ানা শিন-লাংখিবা ১বা ওজা শগোলসেম বিনোদ নিংশিং কাং টুর্নামেন্ট-২০২৬ কী ফাইনাল ম্যাচ ঙরাং জুলাই ৩, ইরাই নুমিৎ মাই পাক্না ফাইনাল ম্যাচ শান্নদুনা লোয়শনখ্রে। ফাইনাল ম্যাচ অদুদা নুপা কাংখূৎকী নয়াবজার নহারোল কাংখূৎপু মায়থিবা পিরদুনা সঙাই রিজিওন, হামোমখুল, ভানুগাছনা কাং টুর্নামেন্ট অসিগী চ্যাম্পিয়ন লৌবা ঙমখি। নাকন অমরোমদা নুপী কাংখূৎকী নয়াবাজার লৈমরেল কাংখূৎপু মায়থিবা পিরদুনা বরইতলী পান্থোইবী কাংখূৎনা ফাইনল ম্যাচ অসিগী চ্যাম্পিয়ন ওইখি।
পনবা য়াবদি, বাংলাদেশকী খুন্দারিবা মৈতৈশিংগি মনুংদা কাং মশান্না অসি শৌগৎপা ওইনা নয়াবাজার মনিপুরী পাড়ানা শিল্লাংদুনা সিলেট মনিপুরী কাং এসোসিয়েশন গী মতেং লৌরগা '' অহানবা ওজা শগোলশেম বিনোদ নীংশিং ইন্টার মনিপুরী কাং টুর্নামেন্ট ২০২৬'' এপ্রিল ১৭, ২০২৬ তগি চত্থরকপনি। টুর্নামেন্ট অসিদা নুপা কাংখুৎ তরাতরেৎ (১৭) অমসুং নুপী কাংখুৎ নিপান (৮) শরূক য়াখি।
ফাইনাল ম্যাচ অমদি মনা মথুম য়েন্থোকপগী থৌরম অসিদা সিলেট নগর উন্নয়ন কর্তৃপক্ষগী চেয়ারম্যান রেজাউল হাসান কয়েস লুদি'না অথোইবা মীথুং ওইনা শরুক য়াখি। অথোইবা মীথুংলেন ওইনা মহাক্না হায়খি, ''সিলেট সিটি মনুংদা পুন্না খুন্দামিনরিবা মণিপুরী ইচিল-ইনাওশিংসু ঐখোয় অমত্তনি। মরম অদুনা য়াম্ন লীরবা কাং মশান্ন অসিবু ঐখোয় ময়াম চংঙদুনা য়োকখৎফম থোকই। ঐনা হোৎনবা য়াব মখৈ হোৎনগনি অমদি কাং মশান্ন অসিগী শান্নরোইশিংগীদমক কাংশং অমসু শাননবা হোৎনগনি।'' শিশির বিন্দু সিংহনা কন্ডাক্ট তৌখিবা মনা য়েন্থোকপগী থৌরম অসিদা বাংলাদেশে মণিপুরী সাহিত্য সংসদ (বামসাস)কি জে: সেক্রেটরি নামব্রম শংকরনা থৌরম মপু অমদি সমেন্দ্র সিংহ, জয়েন্ট সেক্রেটারী, বামসাস, সিলেট, ওয়াই নৃপেন্দ্র, প্রেসিডেন্ট, সিলেট মণিপুরী কাং ফেডারেশন অথোইবা মীথুং ওইনা শরুক য়াখি অমসুং শক্নাইরবা মীওই কয়ামসু ৱা ঙাংখি হায়রি।
নয়াবাজার মণিপুরী পাড়া, সিলেটনা শিন-লাংখিবা ১বা ওজা শগোলসেম বিনোদ আন্ত: মণিপুরী কাং টুর্নামেন্ট-২০২৬ সিলেট নয়াবজারগী শ্রীশ্রী জগন্নাথ জিউর আখড়া'গী মান্ডপতা ফাইনাল ম্যাচ অসি পাংথোকখিবনি হায়না সিলেটতগী ফংবা পাউ অসিনা হায়রি।
0 কমেন্ট:
কমেন্ট তৌবিয়ু