মীতৈ ময়েক নীংথিনা থাদবা য়েংশিনবা হৌরগনিঃ মীলাল
ইম্ফাল, নভেম্বর ৬ : মীলাল (মীতৈ ইরোল ইয়েক লোইনশিল্লোল অপূনবা লূপ), কংলৈপাক্না লমদম অসিদা ফ্লেক্স কাপ্পগী থবক তৌরিবা প্রোপ্রাইতরশিংগা য়ানখিবগী ৱাংমদা সাইন বোর্দ, বেন্নার, এদভার্টাইজিং হোর্দিংনচিংবদা মীতৈ ময়েক থাদবা, থারবসু মমিংতগী পীক্না থারিবশিং য়েংশিল্লগনি হায়রি।
মীলালগী সেক্রেটারি পাব্লিসিতিনা থাদোরকপা চেরোল অসিনা হায়, মিলালনা লমদম অসিগী লোল অমদি ময়েক চাওখৎনবা হনবা লৈতনা চঙশিল্লক্লি। মসিগী মনুং চন্না লমদম অসিদা হৌজিক শীজিন্নরিবা সাইন বোর্দ, বেন্নার, এদভারতাইজিং হোর্দিং, বেক দ্রোপ খুদীংমক্কী মকোক্তা মীতৈ ময়েক্না থারিবা অতৈ ময়েক্তগী শরুক অহুম থোকপগী অনী চাওনা থাননবা লূপ অসিনা লমদম অসিগী ফ্লেক্স কাপ্পগী থবক তৌরিবশিংগা তাঙ্কক অনীরক ফমিন্নদুনা ৱারী শান্নদুনা য়ানবা পুরকখ্রে।
লাইবক থীবদি, মণিপুরদা হৌজিক থোক্লিবা ঈরাং অসিগী খুদোংচাবা লৌদুনা য়ানখিবা ৱাফম ঙাক্তনা লমদম অসিগী মীয়ামদা খঙহন্নবা থেৎলিবা সাইন বোর্দ, বেন্নার, এদভারতাইজিং হোর্দিং অমসুং তোঙান-তোঙানবা থৌরমদা শীজিন্নরিবা বেক দ্রোপশিং দা মীতৈ ময়েক থাদবা, থারবসু মমিংতগী পিশক পীক্না থাবা থেংনরে। মরম অদুনা হীরম অসি মীলালনা য়েংশিনবা হৌরগনি। লোয়ননা ফ্লেক্স কাপ্লিবশিংগী প্রোপ্রাইতরশিংগা অমুক হন্না ফমিন্নবগী তাঞ্জা অথুবদা লৌরগনি। অদুগা লৌখৎফম থোকপা থবক-থৌরম লৌখৎনবা লূপ অসিনা লেপ্লে।
গবর্ণমেন্তনা শীজিন্নরিবা চে-চাং খুদীংমকসু মীতৈ ময়েক্না চাওনা থানবসু য়েংশিল্লগনি। লোয়ননা লমদম অসিগী লৈকায়, খূল্লক-লৈরক্তা মফম তাক্নবা লেন ১,২,৩ হায়বনচিংবা শীজিন্নরিবা অসিসু ইমালোলদা থাদা হৌনবা থবক লৌখৎলগনি। মীলালনা থাংজিল্লক্লিবা খোঙথাং অসি ঐখোয়গী ইমালোন, ময়েক অসি নোংমদি মাঙখিবা য়াবগী ফীবম লৈরকপনা তঙায়ফদবা অমা ওইনা লৌখৎচবনি। মসিদা লমদম অসিগী লৈকায়গী ক্লাব, মৈরা পায়বীশিংনা শৌগৎপীয়ূ হায়রি।
সোর্স: পোক্নফম
0 কমেন্ট:
কমেন্ট তৌবিয়ু