রাজর্ষি ভাগ্যচন্দ্রনা হৌদোকপিরম্বা ধলেশ্বরদা নট সংকীর্তন পাংথোকখ্রে
আগরতলা, জুলাই ১৭ : ধলেশ্বর নহারোলশিংনা শিন্দুনা বঙ্ক বিহারী মান্ডোপ্তা রাজর্ষী ভাগ্যচন্দ্রগী মপোক কুমওন থৌরম পাংথোকখ্রে। চৎখিবা জুলাই ১১, ধলেশ্বর মান্ডোপ্তা নট সংকীর্তন য়াওনা থৌরম অসি পাংথোকখি।
থৌরমগী অহান্বদা হৈকৎ লৈকৎ তমদুনা ইকায়খুম্নরবা মতুং সংস্কৃতি সেবী আর কে ভ্রমরজিৎনা থৌরম অসিগী নুংগী ৱারোল থমখি অদুগা মরুপ পাউচেগী ইডিটর আর কে তরুনজিৎনা রাজর্ষি ভাগ্যচন্দ্রনা তীর্থ থোক্তুনা ইং কুমজা ১৭৯৮ দা তখেনদা ইহান হাননা খোংদারকখিবা, ত্রিপুরাদা মহাক্না লৈখিদবা নুমিৎ ১৯৭৬দগী তিথি মতুং ইননা তিরোভাব নুমিৎ (উৎসব) পাংথোক্তুনা লাকপা মথংদা মহাক্কী মপোক কুমওন থৌরম বাংলাদেশ, ত্রিপুরা নচিংবা মফম কয়াদা পাংথোকখিবা অসিনচিংবা মরমদা ৱা ঙাংখি।
ধলেশ্বরদা ভাগ্যচন্দ্র মপোক কুমওনগা মরি লৈননা পাংথোকখিবা থৌরমদা নট সংকীর্তন অমসু কৎখি। সংকীর্তনগী ঈশৈদা লালীসানা, দোহারদা ক্ষেত্রিময়ুম ব্রিজেশ, পুংদা অধিকারীময়ুম সমরজিৎ নচিংবা পালা ৯ শরুক য়াখি। পনবা য়াবদি চৎলিবা চহি অসি রাজর্ষি ভাগ্যচন্দ্রগী ২৮৬ সুবা মপোক কুমওননি। হন্দক চহী চৎখিবা জুন ২১, ধর্মনগর (মনতলা, রাজবাড়ী) অমসুং নোংচুপ জিলাগী রাণীরবাজার সনা খুন (বৃদ্ধনগর) দা রাজর্ষি ভাগ্যচন্দ্রগী ২৮৬ সুবা মপোক কুমওন থৌরম পাংথোকখি। ইং ২০২৩ তা রাধানগর মান্ডোপ মমাংদা ভাগ্যচন্দ্রগী মীতম খিনখি।
সোর্স : মরূপ
0 কমেন্ট:
কমেন্ট তৌবিয়ু