বাংলাদেশকী মৈতৈনা তাব মফমশিংদসু কাং চিংখ্রে
সিলেট, জুলাই ১৭ : মহৌশাদগী মৈতৈনা খুন্দাবা মালেমগী মফম পুম্নমক্তা কাং চিংবগী চৎনবী লৈ। মতৌ অদুগুম্না হন্দকসু বাংলাদেশতা মৈতৈনা খুন্দাবা মফম কয়াদা ঙরাং জুলাই ১৬ তা কাং চিংবগী থৌরম পাক-শন্না পাংথোকখ্রে।
সিলেট শহরদা খুন্দারিবা ময়াম্না সিলেট সিটি কর্পোরেশন অমদি লোকাল গভর্মেন্টকী তেংবাংগা লোয়ননা রিকাবী বাজারগী লমদোং অহুম ফাংবদা ভক্ত লিশিং য়াঙ্খৈ হেন্না তিনখিবা কাং চিংবগী থৌরম পাংথোকখিবনি হায়রি। মফম অদুদা য়াম চাউনা মেলা অমসু ফমখি। মফমদুদা কাং পূল্লগা দশবতার, জয়দেব চোঙবা, লাই আরতী নচিংবা থৌগল তৌখি। মদুদা লাক্নখিবা ভক্ত বৈষ্ণব হিন্দু লাইনিং চৎপা খক্ত নত্তনা অতোপ্পা লাইনিংগী ভক্তশিংসু লাক্নখি।
লোয়ননা বাংলাদেশকী মফম কয়াদা মৈতৈনা তাব ভানুগাছ, ছোটধামাই, রামনগর, বিশগাঁওনচিংবা মফমশিংদসু কাং চিংখি। পনবা য়াবদি চহী তরেৎ খুন্তাকপদা ইনিংথৌ গম্ভীর সিংহনা বাংলাদেশতা অহানবা কাং চিংবা হৌদোকপীরম্বা অদু ঙসিসু পাঙথোক্তুনা লাক্লিবনি হায়রি।
0 কমেন্ট:
কমেন্ট তৌবিয়ু