ইন্দিয়াগী ২৯ শুবা জুনিয়র নেশনেল ফেন্সিংদা মণিপুরগী মিনা গোল্ড ফংখ্রে
ইম্ফাল, ডিসেম্বর ২৭: ফেন্সিং এসোসিয়েশন অব ইন্দিয়াগী মীৎয়েং মখাদা থা অসিগী ২৫ দগী হরিয়ানাগী সোনিটতা চত্থরিবা ২৯ শুবা জুনিয়র নেশনেল ফেন্সিং চেম্পীয়নশিপ ২০২১ দা মণিপুরগী এন মিনা নুপীমচাগী ফোইল ইন্ডিভিজুয়েলদা গোল্ড মেডেল লৌবা ঙমখ্রে। ফোইল ইন্ডিভিজুয়েলগী ফাইনেলদা মণিপুরগী এন মিনা দেবী অমদি মণিপুরগী কুসবুরাণি এল লম্বা তৌনখিবদা এন মিনা দেবীনা পোইন্ট ১৫-১৪ দা থোইদুনা গোল্ড ফংখিবনি। নুপীমচাগী সেবার ইন্ডিভিজুয়েলদা মণিপুরগী এল অবি দেবীনা জে এন্ড কেগী মখুত্তা পোইন্ট ১৩-১৫দা মায়থীবা নংদুনা এল অবি দেবী সিলভার মেডেল ফংখ্রে।
সোর্স:সঙাই এক্সপ্রেস
0 কমেন্ট:
কমেন্ট তৌবিয়ু