image

`কুটু মেমোরিয়াল ইন্টার ম‌ণিপুরী ফুটসাল টুর্নামেন্ট ২০২১’ ফাইনাল দা শিবগঞ্জ রেড না চেম্পিয়ন ওইখ্রে

সিলেট, ১৭ ডিসেম্বর: সিলেটকী শাপমলৈকাই ডেভেলপমেন্ট সোসাইটিনা শিনলাংদুনা বাংলাদেশ মনুংদা খুন্দারিবা মৈতৈশিংগী মরক্তা “১ম কুটু স্মৃ‌তি আন্তঃ ম‌ণিপুরী ফুটসাল টুর্নামেন্ট ২০২১” (১বা কুটু মেমোরিয়াল ইন্টার মণিপুরী ফুটসাল টুর্নামেন্ট ২০২১ )গী ফাইনাল ঙশি সিলেটতা স্পোর্টস হেভেন ইনডোর প্লেগ্রাউন্ডদা শিবগঞ্জ মৈতৈ লৈকাইগী শিবগঞ্জ রেড টিমগা শাপমলৈকাইগী এল. অজিত সকার টিমগা শান্নখিবদা শিবগঞ্জ রেড টিমনা গোল ৪-২ দা মায়থিবা পিদুনা অহানবা চেম্পিয়ন ট্রফিগী টাইটেল লৌখ্রে।
ঙশি শান্নখিবা মেটচ অসিদা শিবগঞ্জ রেডগী মায়কৈদগী মুতুম তুরণজিৎ অমসুং থোকচম বনদ্বীপ না গোল অনি অনি চনখি। অমারোমদনা অজিত সকার টিমগী মায়কৈদগী অজয় সিংহ অমসুং কেনেডি সিংহ না গোল অমমম চনখি।
মেন অব দা ম্যাচকী টাইটেল শিবগঞ্জ রেড টিমগী বনদ্বীপ সিংহ , ম্যান অব দা টূর্ণামেন্টগী টাইটেল না এল অজিত সকার টিমগী থোঙাম কেনেডি না লৌখি। অমরোমদা অহেনবা গোলকিপার টাইটেল না শিবগঞ্জর রেড গী থোইবা সিংহ অদুগা অহেনবা গোল চনবগী টাইটেল না এল অজিত সকার টিমগী অজয় সিংহ না লৌখি।
ফাইনালগী লোয়শনবগী সিরোমোনি অমসুং মনা য়েন্থোকপগী থৌরমদা শাপম লৈকায় ডেভেলপমেন্ট সোসাইটিগী এডভাইজর অভিরাম সিংহ বাবলুনা ময়াং তাংবল লৌরে হায়রগা সংস্থা অসিগী সভাপতি চয়ন মনি সিংহনা মোডারেট তৌখিবা থৌরম অসিদা চীফ গেষ্ট ওইনা ডিষ্ট্রিক্ট স্পোর্টস এসোসিয়েশনগী জেনারেল সেক্রেটারী মোঃ মাহি উদ্দিন আহমদ সেলিম, স্পোশাল গেষ্ট ওইনা সিলেট সিটি কর্পোরেশনগী ১১ নং ওয়ার্ড কাউন্সিলর রফিকুল ইসলাম ঝলক অমসুং স্পোর্টস হেভেন গী ডাইরেক্টর লাহিন আহমদসু শরুক য়াখি।

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু