‘নুরাবি দি ভার্জিন’ মণিপুরী ওয়েব সিরিজ রাশিয়ান ডাবিং তৌদুনা রাশিয়া অমদি সিআইএস কান্ত্রিশিংদা উৎপা হৌখ্রে
ইম্ফাল, জুন ১৮ঃ আর্ট অমদি কালচারদা মণিপুরগী মফম অমা মালেম অসিদা কন্দুনা লাক্লি অমসুং ঙসিসু ‘নুরাবি দি ভার্জিন’ হায়রিবা পাখংবা ফিল্মস এন্ড ইন্টারটেম্মে
ইম্ফাল, জুন ১৮ঃ আর্ট অমদি কালচারদা মণিপুরগী মফম অমা মালেম অসিদা কন্দুনা লাক্লি অমসুং ঙসিসু ‘নুরাবি দি ভার্জিন’ হায়রিবা পাখংবা ফিল্মস এন্ড ইন্টারটেম্মেন্ট অমসুং সি ই এন টিভি অসি খুৎশম্নদুনা পুথোকপা, জয়চান্দ মোইরাংথেমনা ক্রিয়েট তৌবা ওয়েব সিরিজ অসিনা মণিপুরবু অমুক হন্না মালেমদা চাওথোকচনিংঙাই ওইবা মফম অমা কন্দুনা মণিপুরগী ওইবা তোপ তোপ্পা হিষ্টোরি অমা শেমখ্রে। হায়রিবা ওয়েব সিরিজ অসিদা তরুন ৱাং অমসুং হেরোজিৎ থোঙামনা দি ও পিগী থৌদাং লৌখি। ওয়েব সিরিজ অসি এৱার্দ অমদি নোমিনেটেড কয়া ফংদুনা মালেমদা ইকায় খুম্নবিখি। পনবা য়াবদি, রিও ওয়েব ফেষ্ট ২০১৯ দা বেষ্ট ত্রেলর, ইন্দেক্স ফিল্ম ফেষ্ট হলিউদ ২০১৯দা বেষ্ট ত্রেলর এৱার্দ, সিওল ওয়েব ফেষ্ট ২০২০ দা নোমিনি অব বেষ্ট ডিরেক্টর, বেষ্ট স্ক্রিনপ্লে, বেষ্ট এনসেম্বল কাষ্টনচিংবা এৱার্দশিংগা লোয়ননা ঙসি ঙসিমক মালেমগী মফম অয়ম্বদা মীয়াম্না য়াম্না পাম্না য়েংনরি।
ঙসি ঙসিমক রাশিয়া অমসুং সি আই এস কান্ত্রিস ১৫দা রাশিয়ান লোলদা ডাবিং তৌথোক্লগা চিল ভিজন, মোস্কোগী অনলাইন ষ্ট্রিমিং প্ল্যাটফর্মদা ষ্ট্রিমিং তৌরি অমসুং লৈবাকশিং অসিগী খ্বাইদগী পাম্নবা ওয়েব সিরিজ অমা ওইনা মাই পাকনা চত্থরি অমদি সি জি এম টিভি, য়ুএসএ টেক্সাস, ফিল্ম মরো ইন্দিয়ানচিংবা মালেমদা মমিং লৈরবা অনলাইন ষ্ট্রিমিং প্ল্যাটফর্মশিংদা মাই পাক্না ঙসি ষ্ট্রিমিং তৌরি। অসিদসু নত্তনা সাউথ কোরিয়ানগী মমিং লৈরবা কোম্পানি অমা ওইরিবা ৱাই এম কে ফিল্মি ইক্সিকিউটিভ ডাইরেক্টর য়েং মেন কাংগা এগ্রিমেন্ট তৌনবা লোইদুনা সাউথ ইষ্ট এশিয়াগী লৈবাকশিং হায়বদি সাউথ কোরিয়া, চিনা, মায়ানমার, তাইওয়ান, সিংগাপুর, মালেশিয়া অমদি ইন্দোনেশিয়ানচিংবা লৈবাকশিংদা ষ্ট্রিমিং তৌনবগী কন্ট্রেক্ট সাইন তৌনখ্রবা মতুংদা য়াংনা থবক পাইখৎপা হৌখ্রে। ওয়েব সিরিজ অসিগী ৱারি ফ্রান্স, স্পেন অমদি ইটালিনা চিংবা ইউরোপকি লৈবাকশিংদা উৎনবা থাজবা পীরক্লে হায়রি।
সোর্সঃ পান্দম
0 কমেন্ট:
কমেন্ট তৌবিয়ু