থাঙ-তা ফেষ্টিবেল লোইশিনখ্রে
ইম্ফাল, জানুয়ারি ২৪ : মিনিষ্ট্রি অব কালচার গভর্ণমেন্ট অব ইন্দিয়াগী শেন্থং মখাদা দা মঙান থাঙ-তা লুপ, ইরোম মৈজ্রাওনা শীন্দুনা হৌখিবা জানুয়ারি ১৯দগী ২৩ ফ
ইম্ফাল, জানুয়ারি ২৪ : মিনিষ্ট্রি অব কালচার গভর্ণমেন্ট অব ইন্দিয়াগী শেন্থং মখাদা দা মঙান থাঙ-তা লুপ, ইরোম মৈজ্রাওনা শীন্দুনা হৌখিবা জানুয়ারি ১৯দগী ২৩ ফাওবা নুমিৎ মঙানি চত্থরকপা ‘থাঙ-তা ফেষ্টিবেল’ মঙান থাঙ-তা লুপকী ট্রেনিং হোলদা লোইশিনখ্রে। থৌরম অসিদা লোইতোংবম ওংবী প্রমো দেবী কোদোংপোকপী জিলা পরিষদ, ইম্ফাল ওয়েষ্ট চীফ গেষ্ট, কুমারি শৌগ্রাকপম রানি চনু, মেম্বার ওয়ার্ড নম্বর ১০ লাইরেঞ্জম মৈজ্রাও গ্রাম পঞ্চায়েত প্রেসিডেন্ট, এলাংবম ইনাওবী দেবী, সেক্রেটারি বিষ্ণুপুর হুয়েন লাংলোন থাঙ-তা এসোসিয়েসন নম্বোল ককয়াই, লোইতোংবম সুরচন্দ্র এক্স জিলা পরিষদ, থিয়াম কোরা প্রেসিডেন্ট থাঙ-তা এন্ড কালচারেল এসোসিয়েসন থিয়া শৈলাংখোং, য়ুম্না হুইদ্রোমনা মথংশিৎনা গেষ্ট অব অনার ওইনা লেংশিনখি হায়রি।
গেষ্ট অব অনার ওইনা শরুক য়াখিবা সুরচন্দ্র এক্স জিলা পরিষদকী ৱারোলদা থাঙ-তাগী শান্নরোয়শিংদা ওজা গুরুশিংবু ইকায়খুম্নবা ব্যবহার তৌবা অসি য়াম্না মরুওই অদুগা মী অমনা মী অমবুসু ব্যবহার তৌনদ্রগদি নুংশিনবা ৱাৎলকই নুংশিবা ৱাৎলবদি সমাজ অসি ইংনা চীক্না লৈবা ঙম্লোই। ইংনা চীক্না লৈবা ঙমদবা সমাজ অদু চাওখৎপা হায়বদু শুকওই ওইররোই। মরম অদুনা চাওখৎপা সমজা অমা ওইগে হায়বা তারবদি ঐখোয় মশেন নুংশিননবা তাই। ঐখোয় মশেন অমগা অমগা ব্যবহার তৌনবা মথৌ তাই। ব্যবহার তৌনদ্রবদি ঐখোয় মশেলগী মরক্তা লৈরিবা নুংশিনবগী মরী অসি মাঙখিগনি।
মরম অসিনা অসিগুম্বা থাঙ-তাগী মহৈসিগী মনুংদা য়াওরিবা ডিসিপ্লিন লৈবা থাকসি খাসি নাইবা ওজা গুরু মশক খঙবা কাঙলোন কয়া শুনা য়াওরিবা মহৈ অসি হেন্না চাওখৎনবা হোৎনবগা লোয়ননা থাঙ-তাগী মহৈ অসি তম্বীদুনা ইনখৎলক্লিবা নহা কয়াবুসু নিশাগী ইপাক্তগী খরমখৈদা ওইরবসু ঙাকথোকপা ঙমগনি হায়না থাজৈ হায়বা চেরোল অসিদা থম্লখি। লোইশিল্লকপা মখল মখা কয়াগী কালচারেল প্রোগ্রাম কয়াসু উৎখি।
সোর্স: সঙাই এক্সপ্রেস
0 কমেন্ট:
কমেন্ট তৌবিয়ু