লময়ানবা হিজম ইরাবতকী মীতম অমা গুৱাহাটিগী অমসিং মৈতৈ খুলদা খিনখ্রে
গুৱাহাটি, সেপ্টেম্বর ২৬ : পেট্রিওটিক রাইটার্স ফোরম (পি এ ডব্লিয়ু এফ) মণিপুর অমদি ফোরম অসিগী গুৱাহাটি অসাম ব্রাঞ্চ অনীনা মনিপুরী লৈমা লুপ ইস্টার্ন গুৱাহাটি, অসামগা খুংশ্ম্নরগা মীতেশিংনা খুন্দারিবা গুৱাহাটিগী ১০ মাইল, অমসিং, জোরাবাত্তা লময়ানবা হিজম ইরাবতকী মীতম অমা ঙসি খুরাই এ সিগী এম এল এ লৈশাংথেম সুসিন্দ্রো মৈতৈনা অথোইবা মীথুংলেন ওইদুনা মায়খুম হাংদোকখ্রে।
ঙসি মায়খুম হাংদোকখিবা মীতম অদু ঙাংবম বিনোই সিংহনা লেন্দ দোনর ওইবনি। লাময়ানবা ইরাবতকী মীতম অসিগী মেন দোনরশিংদি অইবা য়াইস্কুল খ্বাইরাকপম, কর্নেল গোকুল সিংহ, আর কে নয়নসনা অমদি রাকেস নাওরেমনি। লোয়ননা পুকচেল চাওরবা মীওই কয়ানসু মতেং পাঙদুনা মীতম অসি খিনখিবনি।
মায়খুম হাংদোকপগী থৌরম অদুদা খুরাই এ সিগী এম এল এ লৈশাংথেম সুসিন্দ্রো মৈতৈনা অথোইবা মীথুংলেন, পি এ ডব্লিয়ু এফ মণিপুরগী প্রসিডেন্ট নাওরোইবম খম্বা লুৱাং অমদি গুৱাহাটি অসাম ব্রাঞ্চকী প্রসিডেন্ট থৌনাওজম শ্যাম অনীনা পুন্না থৌরম মপু ওইনা শরুক য়াখি। লোয়ননা ফোরম অসিগী হান্নগী প্রসিডেন্ট য়াইস্কুল খ্বাইরাকপম অমদি ৱার্ল্ড মৈতৈ কাউন্সিলগী সেন্ট্রেল একজিক্যুটিভ কম্মিটিগী চেয়ারম্যান কর্নেল তেংশুবম গোকুল সিংহ অনীনা অখন্নবা মীথুংলেনশিং ওইনা শরুক য়াখি।
লোয়ননা পি এ ডব্লিয়ু এফকী সেক্রেটরী রাকেস নাওরেম, গুৱাহাটি ব্রাঞ্চকী সেক্রেটরী রাজু মাইবম অমদি মনিপুরী লৈমা লুপ ইস্টার্ন গুৱাহাটিগী প্রসিডেন্ট এনজি বিজয়া কৈশামনচিংবা শক্নাইরবা মীওই কযাসু শরুক য়াখি।
সোর্স : পাউনিলখোন
0 কমেন্ট:
কমেন্ট তৌবিয়ু