এৱার্দকীদমক ৱারীমচা লাইরিক কৌরি
ইম্ফাল, সেপ্টেম্বর ২৫ : মণিপুরী শোর্ত স্টোরি সোসাইতি, ইন্দিয়াগী চহী অমমম কানরগা খ্বাইদগী অফবা ৱারীমচাগী লাইরিক্তা পীবা তোঙান তোঙানবা এৱার্দকীদমক ৱারীমচা লাইরিকশিং কৌরি।
মণিপুরী শোর্ট স্টোরি সোসাইতি, ইন্দিয়াগী সেক্রেতরি সরত থোকচোম্না হায়, পীগদৌরিবা এৱার্দশিং অসিগী মনুং চন্না 'সিনাম তনুবাবু নীংশিং সাহিত্য মনা-২০২৬' কীদমক ২০২২ দগী ২০২৫ ফাওবগী মনুংদা ফোঙবা লাইরিক ওইগদবনি।
মণিপুরগী মপান্দা লৈবা অইবা/অইবীশিংগী ৱারীমচাগী লাইরিক্তা পীগদবা “নাওরোইবম ধনঞ্জয় সিংহ নিংশিং মনা-২০২৬” কী ওইনা ২০২২ দগী ২০২৫ ফাওবগী মনুংদা ফোঙবা লাইরিক ওইগদবনি। মশাগী চহী ৩৫গী মখাদা লৈবা অইবা/অইবীশিং গী ৱারীমচা লাইরিক্তা পিগদবা 'মাইস্নাম বোকুল সিংহ নিংশিংমনা-২০২৬' কী ওইনসু ২০২২দগী ২০২৫ ফাওবা ফোঙবা লাইরিক ওইগদবনি।
এৱার্দশিং অসিদা শাল, সাইতেসন অমদি শেলগী মনা য়াওরি। মনাশিং অসিগীদমক লাক্লিবা ওক্তোবর ১৫গী মনুংদা চোংথাম সুবদনি দেবী, কে ঐচ কান্ত সিংহ, কাছাড় চেপ্তর অমসুং সরত থোকচোম জেনেরেল সেক্রেতরিগী ফোন নম্বরশিং ৬০০৯৩১৮৯২৫, ৮৬৩৮০৫২১৩১ অমসুং ৮৯৭৪৯১৬০৭৫ দা পাউ ফাওরকপা য়াগনি হায়রি।
মনাশিং অসি দিসেম্বর ২৪ দগী ২৭ ফাওবা ৱেস্ত বেঙ্গলগী নবদ্বিপ ধামদা পাঙথোক্কদবা শোর্ত স্তোরি ফেস্টিবেল-২০২৬ দা খূৎশিন্নগনি হায়রি।
সোর্স : পোক্নফম
0 কমেন্ট:
কমেন্ট তৌবিয়ু