অহানবা নর্থ-ইষ্ট ৱারী লীবা ফেষ্টিভেলদা ত্রিপুরাগী ৱারী লীবা ওজাবু ইকায়খুম্নখ্রে
আগরতলা, নভেম্বর ০৫ : ৱারী লীবা আর্ট ফোর্ম অসি ইচম চম্বা এন্টারটেন্টমেন্ট অদু নত্তে, জেনারেশন অমদগী জেনারেশনদা লাকপা লিভিং ট্রেডিশন অমনি। অরাং নোংপোক্কী ওইবা অহানবা ৱারী লীবা ফেষ্টিভেল ইম্ফালদা হৌদোকপগী থৌরমদা মণিপুর গভর্নর অজয় কুমার ভাল্লানা ৱাফম অসি ফৌঙদোকখিবনি। ভারত সরকার গী কালচরেল ফাংশন এন্ড প্রোডাকশন গ্রান্ট স্কীমগী মখাদা রিপার্টেরী অব ৱারী লীবা, মণিপুর, খুরাই চাইথবী লৈরকনা ইরোম মৈজ্রাও য়ুমেন কলচরেল সেন্টারগা খুশম্নরগা ৱারী লীবা ফেষ্টিভেল পাঙথোকপনি। ফেষ্টিভেলগী মরুওইবা পান্দমদি মাংথরক্লিবা কলাসিগী মচৎপু কলহৌনবা অমদি নর্থ ইষ্ট স্টেটশিংগী ৱারী লীবা আর্টিষ্টশিংবু শৌগৎপনি। থৌরমদা গভর্নরনা ত্রিপুরাগী কুচাইনালা দগী ৱারী লীবা ওজা কোন্সম ধনঞ্জয় য়াওনা কাছাড়গী মনিকুমার নাওরেমচা, টিএইচ নন্দ বাবু, টিএইচ চন্দ্রকান্ত, কে মোহনবু খুদোলপোৎ পীদুনা ইকায়খুম্নখি।
মণিপুর গভর্নরনা ত্রিপুরাগী ৱারী লীবা ওজা কোন্সম ধনঞ্জয়বু খুদোলপোৎ পীদুনা ইকাইখুম্নবা
চীফ গেষ্ট ওইখিবা গভর্নরনা হায়খি, ৱারী লীবা আর্টিষ্ট শিংনা মহাভারত, রামায়ণ খক্তা নত্তনা লিজেন্ড শিংগী ৱারী কয়াসু তাহন্দুনা ভাবোকতা তশেং তশেংনা মীৎমাংদা উহনবা ঙমহল্লি। থৌরম অদুদা গেষ্ট অব অনার ওইনা মণিপুরী আর্ট এ্যন্ড কলচর মিনিষ্টার খুরাইজম লোকেন্দ্র সিংহ শরুক যাখি।
শক্নাইরবা ৱারী লীবা আর্টিষ্ট তখেল্লম্বম শ্যামকাহ্নাইনা ৱারী লীবগী ডেমোন্সট্রেশন উৎতুনা ভাবোকশিংগী পুক্নিং চিঙশিনখি।
ফেষ্টিভেল লোইশিনবগী থৌরমদা হোম মিনিষ্টার কোন্থৌজম গোবিন্দ দাস, এক্স.এমপি ইনিংথৌ লৈশেম্বা সানাজাওবা নচিংবা শরুকয়াগনি হায়রি।
সোর্স : মরূপ
0 কমেন্ট:
কমেন্ট তৌবিয়ু