বাংলাদেশতা ‘পাঙাল সাহিত্য সংসদ’না ওজারেল অহুমবু ইকায়খুম্নবা উৎখ্রে
সিলেট, নভেম্বর ০৮ : বাংলাদেশতা লৈরিবা মণিপুরী মুসলিম নত্রগা মৈতৈ পাঙাল খুনাইগী সাহিত্য অমসুং কলচরগী লমদা থবক তৌরিবা লুপ ‘পাঙাল সাহিত্য সংসদ’না শিনলাংদুনা মণিপুরী সাহিত্য অমসুং রিসর্চকী লমদা অথোয়-অহেনবা থবক তৌরিবা ওজারেলশিংবু ইকায়খুম্নবা উৎপগী থৌরম অমা চাওনা পাঙথোকখ্রে।
মমিং লৈরবা কবি, নাহারোল রাইটার্স ফোরামগী প্রেসিডেন্ট তাহির সাজবম (আসাম)দা মেমেন্তো খুৎশিন্নবা
ঙরাং নোংমাইজিং নুমিৎ (নভেম্বর ৭) নুংথিল পুং ৪ তাবদা কমলগঞ্জগী আদমপুর বাজারদা লৈবা মণিপুরী কালচারাল কমপ্লেক্সকী হোলরুমদা থৌরম অসি হৌখি। পাঙাল সাহিত্য সংসদকী প্রেসিডেন্ট কবি সাজ্জাদুল হোক স্বপননা থৌরম মপু অমসুং জয়েন্ট সেক্রেটারি হুমায়ুন রেজা সোহেলনা কন্ডাক্ট তৌদুনা ইকায়খুম্নবা উৎপা অমদি নৈন মিফম অসি পাঙথোকখিবনি হায়রি। থৌরম অসিদা চিফ গেস্ট ওইনা সিলেটকী শাহজালাল ইউনিভার্সিটি অব সায়েন্স অ্যান্ড টেকনোলজিগী বাংলা দিপার্তমেন্টকী প্রোফেসর ড. শরদিন্দু ভট্টাচার্য শরুক য়াখি। লোয়ননা স্পেসিয়েল গেস্ট ওইনা মণিপুরী সাহিত্য পরিষদ, ত্রিপুরাগী প্রেসিডেন্ট এল. বীরমঙ্গল সিংহ, ইন্দিয়াগী আসাম ইউনিভার্সিটিগী প্রোফেসর ড. এইচ. রাজমণি সিংহ অমসুং কমলগঞ্জ প্রেসক্লাবকী প্রেসিডেন্ট আসহাবুজ্জামান শাওন শরুক য়াখি।
কবি অমসুং রিসর্চর এ. কে. শেরামদা মেমেন্তো খুৎশিন্নবা
মণিপুরী সাহিত্য অমসুং রিসর্চকী লমদা শিংথানিংঙাই ওইবা থবক তৌরকপগী শকখঙবা ওইনা মমিং লৈরবা ওজারেন অহুমবু ইকায়খুম্নবা উৎখি। মখোয়দি বাংলা একাডেমিগী ফেলো, বাংলাদেশ মণিপুরী সাহিত্য সংসদ, সিলেটকী প্রেসিডেন্ট, কবি অমসুং রিসর্চর এ. কে. শেরাম; অইবা অমসুং রিসর্চর, পাঙাল সাহিত্য সংসদকী এদভাইজর হাজী মো. আব্দুস সামাদ; অমসুং ইন্দিয়াগী আসামদা লৈরিবা পাঙাল খুনাইগী মমিং লৈরবা কবি, নাহারোল রাইটার্স ফোরামগী প্রেসিডেন্ট তাহির সাজবমনি। অদুগা পাঙাল সাহিত্য সংসদকী জেনারেল সেক্রেটারি অমসুং কবি রওশন আরা বাঁশী খুৎহৈবমনা তরাম্না ওকপগী ৱারোল থমখি হায়রি।
অইবা অমসুং রিসর্চর হাজী মো. আব্দুস সামাদদা মেমেন্তো খুৎশিন্নবা
থৌরাং অসিদা নৈনরোয়শিংনা ইকায়খুম্নবা উৎখিবা ওজারেন অহুম অসিগী পুন্সিগী খোংচৎ, মখোয়না মণিপুরী সাহিত্য অমসুং রিসর্চকী লমদা তৌরকখিবা থবকশিং অমসুং মখোয়গী শিংথানিংঙাই ওইবা খুদোলশিংগী মতাংদা ৱা ঙাংখি, খন্ন নৈনখি। মসিগী মতুংদা ইকায়খুম্নবা উৎখিবা ওজাশিংগী শমলপ্পা পুন্সীৱারী পাথোকখি। অদুগা চিফ গেস্ট অমসুং অতোপ্পা গেস্টশিংনা ইকায়খুম্নবগী মেমেন্তোশিং খুৎশিন্নখি।
থৌরাং অসিদা পাঙাল সাহিত্য সংসদনা ফোংবা লিটরেরি মেগাজিন ‘খোন্থোক’কী অনীশুবা ইদিসন অমসুং পাঙাল খুনাইগী কবি সাজ্জাদুল হোক স্বপননা ইবা ‘পাঙাল নারী’ (বাংলা), কবি রওশন আরা বাঁশী খুৎহৈবমগী শৈরেংগী লাইরিক ‘শূন্যতারও ফুল ফোটে’ (বাংলা) হায়বা লাইরিক অহুম অসিগী মখুম হাংদোকখিসু হায়রি।
সংসদনা ফোংবা লিটরেরি মেগাজিন ‘খোন্থোক’কী অনীশুবা ইদিসন গী মখুম হাংদোকখিবা
থৌরম অসিদা তোঙান-তোঙানবা মফমদগী লাকপা কবি, সাহিত্যিক, সোসিয়েল ওয়ার্কর, লোকেল মেদিয়াগী রিপোর্তরশিং, ওজাশিং, মহৈরোইশিং অমসুং খুনাইগী ইকায়খুম্নবা মীওই কয়ানা শরুক য়াদুনা থৌরাং অসিবু মপুং ফাহনখি অমসুং পুক্নিং থৌগৎপা ফীভম অমা ওইহনখি হায়দুনা কমলগঞ্জতগী ফংবা পাউতা হায়রি।
0 কমেন্ট:
কমেন্ট তৌবিয়ু