মণিপুরী সাহিত্য পরিষদ, লক্ষিপুরনা শীল্লাংদুনা মহৈরোইশিংগী চাংদম্নবগী থৌরম
শিলচর, ওক্তোবর ২৯ : মণিপুরী সাহিত্য পরিষদ, আসাম, লক্ষিপুর ব্রাঞ্চ কমীটিগী মীৎয়েং মখাদা লাক্লিবা নভেম্বর ১৪ অঙাংগী নুমীংকা মরী লৈননা মহৈরোইশিংগী ওইবা তোঙান তোঙানবা চাংদম্নবশিং পাঙথোক্কদৌরি।
লক্ষিপুর তোলেন খুলদা পাঙথোক্কদৌরিবা কমম্পিটিশন দা ক্লাস ৫ দগী ৭ ফাওবগী মণিপুরী মহৈরোইশিং শরুক য়াগনি। ৱা ঙাংবা হৈবগী কমম্পিটিশন অদুগী হিরমদি ‘থকসি খাসি’ ‘মহৈরোইশিংগী থৌদাং’ অমসুং ‘অঙাংগী নুমীং’ হায়বসিদনি। ক্লাস ৮ দগী ক্লাস ১০ ফাওবগী মহৈরোই শিংগী ৱা ঙাংবা কম্পিটিশনগী হিরম অদুদি ‘এশিয়ান গেমসতা মণিপুরী শান্নরোইশিং’ ‘হকশেল কাংলোন’ ‘লৈঙাককী মহৈশঙ’ হায়বসিদনি। মসিগীসু মথক্তা ওপেন ডিবেট অমুসু পাঙথোক্কনি হায়রি। ডিবেট কম্পিটিশন গী হিরম অদুদি “লৈঙাক্কী মহৈশঙদা তম্বা মহৈরোইশিংদা লৈঙাক্কী থবক চঙবদা অহানবা খুদোংচাবা পীগদবনি” হায়বসিদনি। হায়রিবা ওপেন ডিবেট (এক্সটেম্পোর স্পীচ্) কম্পিটিশন দা মহৈরোই শিং মিনিট ৩ গী মনুংদা মণিপুরী লোন খক্তনা ঙাংগদবনি হায়রি।
কম্পিটিশনদা মকোক মথং তাবা মহৈরোইশিংবু শেল ওইনা মনা পীদুনা ইকাইখুম্নগনি হায়রি।
সোর্স - মরূপ
0 কমেন্ট:
কমেন্ট তৌবিয়ু