লৌবুকতোংবম শ্যামদেব শর্ম্মা মেমোরিয়েল এৱার্দ লান্থোক্লগনি
ইম্ফাল, ওক্টোবর ৩১ : মণিপুর য়ুঠস কালচারেল ওর্গানাইজেসন, পোরোম্পাৎ থৱানথাবা লৈকাইগী চহি ২৫ মপুং ফারকপগী সেপ্তেম্বর ২৯, ২০২৩ দগী সেপ্তম্বর ২৮, ২০২৪ ফাওবা চহি অমা চুপ্না পাঙথোক্লিবা সিলভার জুবিলি থৌরমগা মরি লৈননা শক্নাইরবা থিয়েটার পার্সোনেলিটি অনিদা কুমসিগী লৌবুকতোংবম শ্যামদেব শর্ম্মা মেমোরিয়েল এৱার্দ লান্থোক্লগনি হায়রি।
এৱার্দ লান্থোক্কদবা শক্নাইরবা মীওই অনি অদুদি লাইময়ুম গুনবতি দেবী অমদি হিজম শ্যামধনি সিংহনি। চহি খুদিংগী আর্ট এন্দ কালচারগী লমদা ফিল্ড খুদিংদা লৈরিবা শক্নাইরবশিংনা লৈবাক মীয়ামদা মখোয়না তৌখিবা থবকশিং য়েংলগা এৱার্দ অসি পীগদবনি। এৱার্দ অসি লৌবুকথোংবম ভুবনেশ্বরি দেবী অমদি মাগী ইমুং-মনুঙনা ওর্গেনাইজেসন অসিগী খুত্থাংদা কৎপনি।
এৱার্দ অসি ওর্গেনাইজেসন অসিনা হৌখিবা আগস্ত ১৯দগী থা অমা চুপ্না চত্থরকপা মিনিষ্ট্রি ওফ কালচার, নিউ দিল্লীগী তেংবাংগা লোয়ননা পুথোকপা হিষ্টোরিকেল দ্রামা ‘কুরঙ্গনয়নি’ গী লোইশিনবা থৌরম নবেম্বর ৪দা জেএন দান্স একাডেমিগী ওদিটোরিয়ামদা নুংথিল পুং ১ তাবদা লান্থোক্কনি।
থৌরম অসিদা সুদর্শন ঠাকুর, সেক্রেটারি, শ্রীমান্ত শঙ্করদেব কলাক্ষেত্র, কালচার এফিয়ার্স দিপার্টমেন্ট, আসামনা অথোইবা মীথুংলেন, প্রোফেসার নোংমাইথেম রাজমোহন, ভিসি, ডিএম য়ুনিভার্সিটিনা থৌরম মপু অদুগা অজিৎ দাস, দিরেক্টর, রঙ্গনিকেটন অমদি শৌগ্রাকপম হেমন্ত, সঙ্গিট নাটক একাডেমি এৱার্দিনা ইকাই খুম্নবা মীথুংলেনশিং ওইনা শরুক য়াগনি।
এৱার্দ অসিদা শেল ওইনা লুপা লিশিং ২০/২০ অমদি সাইটেসনগা লোয়ননা লেংয়ান অমমম য়াওরি। নুমিৎ অসিদা থিয়েটারবু নুংশিবীবা খুদিংমক্না শরুক য়াবীয়ু হায়নসু মণিপুর য়ুঠস কালচারেল ওর্গানাইজেসননা আপিল তৌরক্লি।
সোর্স: সঙাই এক্সপ্রেস
0 কমেন্ট:
কমেন্ট তৌবিয়ু