কবি মীনকেতনগী ১১৭ শুবা মপোক কুমওন পাঙথোকখ্রে
ইম্ফাল, মে ৩ : মণিপুরী লিতরেরি এন্দ কালচারেল ফোরাম ত্রিপুরানা শীন্দুনা কবি অশাংবম মীনকেতনগী ১১৭ শুবা মপোক কুমওন থৌরম ঙরাং আগরতলাদা পাঙথোক্তুনা কবি অসিগী মফমদা হৈকৎ লৈকৎ তমখ্রে হায়রি।
শক্নাইরবা কালচারেল এক্টিবিস্ত নাওরেম মধোপনা থৌরম মপু ওইরগা আগরতলাগী তারৌ মীতৈ লৈকায়দা পাঙথোকপা থৌরম অসিদা সোসিয়েল এক্তিবিস্ত নাওরেম বিরেন্দ্রো সিংহ অমসুং মরুপ পাউ-চেগী জোইন্ত এদিতর আর কে তরুনজিৎনা ইকায়খুম্নবা মীথুংশিং ওইনা শরুক য়াখি।
কবি মীনকেতনগী ফোটোদা মীয়াম্না হৈকৎ লৈকৎ তমবা
কবি মীনকেতনগী ফোটোদা মীয়াম্না হৈকৎ লৈকৎ তমখি অমসুং মিনিত অনী তুমিন্না লেপ্তুনা কবিবু ইকায়খুম্নখি। ফোরামগী সেক্রেটারি খোইস্নাম মঙ্গোলনা তরাম্না ওকপগী ৱারোল থম্লবা মতুংদা নাওরেম বিরেন্দ্রো অমসুং আর কে তরুনজিৎ সিংহনা অসৈবগী পুন্সি অমসুং পাঙথোক্লম্বা থবক্কী মরমদা ৱা ঙাঙখি। সাহিত্য একাদেমিগী মেম্বার খোইস্নাম বিরোলা, লাইপুবম প্রতিমা, ক্ষেত্রিময়ুম মাধবী, হিজম সরিকা, খুন্দ্রাকপম কোনিকা, হিজম বব্লিনা অসৈবা মীনকেতননা ইবা শৈরেং পাথোক্তুনা তাহনখি।
সোর্স: পোক্নফম
0 কমেন্ট:
কমেন্ট তৌবিয়ু