image

ৱার্ল্ড প্রেস দে পাঙথোকখ্রে

ইম্ফাল, মে ৩ : সাহিত্য থৌপাং লূপ মণিপুরনা শীন্দুনা ৱার্ল্ড প্রেস দে-২০২৩ গী থৌরম ঙসি মণিপুর প্রেস ক্লাবতা পাঙথোকখ্রে। থৌরম অদুদা মান্নবা চেফোঙগী এদিতর শ্যামকিশোর কৈশামদা থিয়াম প্রেমকুমার এৱার্দ ২০২৩ খূৎশিন্নখি।

থৌরম অদুদা চীফ গেস্তকী ৱারোল পীরদুনা এদিতর্স গিল্ড মণিপুরগী ভাইস প্রেসিদেন্টসু ওইরিবা পোক্নফমগী এদিতর অরিবম রোবিন্দ্রনা হায়খি, পাউগী লমদা লৈরিবা মীশিংগী য়াম্না মরুওইবা নুমিৎ ৱার্ল্ড প্রেস দেগী থৌরম অসি অমজু (ওল মণিপুর ৱার্কিং জার্নেলিস্ত য়ুনিয়ন) অমসুং ই জি এম (এদিতর্স গিল্ড মণিপুর) না শীন্দুনা চহী খুদীংগী পাঙথোক্নবা হোৎনসি।

মহাক্না মখা তানা হায়, স্তেত অসিগী ওইনা প্রিন্ট অমসুং ইলেক্ট্রোনিক মিদিয়াগী খোঙচৎ অসি নোংমা নোংমগী চাওখৎলক্লি। অদুবু লম অসিদা লৈরিবা জার্নেলিস্তশিংনা থবক তৌবদা অৱাবা, নুংঙাইতবা অদুমক থেংনরি। অদুম ওইনমক মীয়াম্ন প্রিন্ট অমসুং ইলেক্ট্রোনিক মিদিয়াগী লম অসিদা লৈরিবা মীশিংবু ইকায়খুম্নবীবা, নুংশিবীবা অমসুং শৌগৎপীবা অদুমক লৈরি। মসিমক লমদ অসিদা লৈরিবা মীশিংগী ওইনা য়াম্না হেন্না পূক্নিং থৌগৎপীবা অমসুং ইকায়খুম্নবিবা অমনি হায়না লৌই।

ঙসি ঙসিমক স্তেত অসিদা লৈরিবা জার্নেলিস্তশিংবু পূক্নিং থৌগৎপীবা ওইনা মণিপুর লৈঙাক য়াওনা তোঙান তোঙানবা লূপশিংনা এৱার্দ কয়া পীদুনা ইকায়খুম্নবীবা অসিমক য়াম্না হেন্না নুংঙাইবা ফাওজৈ। নেসনেল প্রেস দেগী থৌরম অসি স্তেত গবর্নমেন্তনা শীন্দুনা য়াম্না চাউনা পাঙথোক্লি হায়না রোবিন্দ্রে শর্ম্মানা ফোঙদোকখি।

ঙসি মান্নবা চেফোঙগী এদিতর শ্যামকিশোর কৈশামদা থিয়াম প্রেমকুমার এৱার্দ ২০২৩ খূৎশিন্নখিবা অদুদা শেল ওইনা লুপা ১০,০০০; সার্টিফিকেত অমসুং লেংয়ান ফী অমা য়াওরি। থৌরম অদুদা মণিপুর লিতরেরি সোসাইতি ইম্ফালগী প্রেসিদেন্ট নোংমাইথেম কিরনকুমার, স্তেত অসিগী তোঙান তোঙানবা প্রিন্ত অমসুং ইলেক্ট্রোনিক মিদিয়াগী এদিতরশিং, রিপোর্তরশিং অমসুং মশক নাইবা অইবা অমুসং অইবী কয়াসু শরুক য়াখি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু