আপডেট:
image

এসিয়ান ওয়েটলিফটিং চেম্পীয়নশিপ্সতা বিন্দ্যারাণি দেবী সিলবর মেডল লৌখ্রে

জিঞ্জু, মে ৭ : এসিয়ান ওয়েটলিফটিং চেম্পীয়নশিপ্সতা মণিপুরদগী হৌখিবী ইন্দিয়াগী ওয়েটলিফটর বিন্দ্যারাণি দেবীনা নুপীগী কেজি ৫৫গী কাঙলুপ্তা সিলবর মেডল লৌখ্রে। কম্মনওয়েল্থ গেমসতা সিলবর মেডল ফংবা ঙমখ্রবী বিন্দ্যারাণি দেবীনা স্নেটচতা কেজি ৮৩ অমদি ক্লিন এন্ড জার্কতা কেজি ১১১ পুন্না কেজি ১৮৪ থাঙ্গৎতুনা সিলবার লৌদুনা এসিয়ান চেম্পীয়নশিপ অসিদা ইন্দায়াগী মেডল এক্কাউন্ট হাংদোকখি।

কাঙলুপ অসিদা চাইনিজ তাইপৈগী চেন গুআন লিংনা স্নেটচতা কেজি ৯০ অমদি ক্লিন এন্ড জার্কতা কেজি ১১৪ পূন্না কেজি ২০৪ থাঙ্গৎতুনা গোল্ড মেডল অমদি ভিয়েটনামগী ভো থাই কুন হুনা স্নেটচতা কেজি ৮৮ অমদি ক্লিন এন্ড জার্কতা কেজি ১০৪ পুন্না কেজি ১৯২ থাঙ্গৎতুনা ব্রোঞ্জ মেডল লৌখি।

কাঙলুপ অসিদা বিন্দ্যারাণিনা স্নেটচকি অহানবা এট্টেম্পদা কেজি ৮০ অমদি অনীশুবা এট্টেম্পদা কেজি ৮৩ থাঙ্গৎপা ঙম্লবসু অরোইবদা কেজি ৮৫ এট্টেম্প তৌখিবদা মায় পাকখিদে। বিন্দ্যারাণিনা মমাঙদা স্নেটচতা কেজি ৮৬ থাঙ্গৎতুনা মহাক্কী পার্সোনেল বেষ্ট থম্বা ঙমখিবনি।

স্নেটচকি কাঙলুপ লোইবফাওবদা বিন্দ্যারাণিনা মরীশুবা পোজিসনদা লৈখিবগা লোয়ননা ক্লিন এন্ড জার্কতা খ্বাইদগী কেজি য়াম্না থাঙ্গৎপা অনীশুবা তাখি। ট্রাইয়েল সেলেক্সনদা শোকখিবনা মরম ওইদুনা মশাগী হান্নগী কেজি ৫৫ গী কাঙলুপ্তা হন্থদুনা শরুক য়ারিবী বিন্দ্যারাণিনা ক্লিন এন্ড জার্কতা কেজি ১১৫ থাঙ্গৎনবা হোৎনরবসু মায় পাকখিদবগা লোয়ননা কেজি ১১১ থাঙ্গৎতুনা পূন্না কেজি ১৯৪ থাঙ্গৎতুনা সিলবর মেডল ফংখি।

বিন্দ্যারাণি পেরিস ওলিম্পীক্তা কেজি ৫৯ গী কাঙলুপ্তা শরুক য়াখিবগা লোয়ননা মমাঙ চহীদা পাঙথোকখিবা ৱার্ল্ড চেম্পীয়নশিপ্সতা ২৫ শুবা পোজিসন তাহৌখি। অমরোমদা, টোকিও ওলিম্পিক্তা সিলবর মেডল ফংদুনা নেসন অসিগী মিংচৎ পুরকপা ঙমখ্রবী মণিপুরদগী হৌখিবা লিফটর মিরাবাই চনু চেম্পীয়নশিপ্স অসিদা খ্বাংদা শোকপনা মরম ওইদুনা নিংবা কায়না তরুকশুবা পোজিসন তাহৌরে।

কেজি ৪৯ গী কাঙলুপ্তা লম্বা তৌখিবী মিরাবাই চনুনা স্নেটচতা কেজি ৮৫ অমদি ক্লিন এন্ড জার্কতা কেজি ১০৯ পুন্না কেজি ১৯৪ থাঙ্গৎতুনা মহাক্কী খ্বাইদগী ফবা পর্ফোমেন্স পীবা ঙমখিদে। মহাক্কী খ্বাইদগী ফবা পার্ফোমেন্স অসি স্নেটচতা কেজি ৮৮ অমদি ক্লিন এন্ড জার্কতা কেজি ১১৯ নি।

মিরাবাই চনুনা স্নেটচতা অমুকখক্তমক নীংথিনা থাঙ্গৎপা ঙমখিবগা লোয়ননা ক্লিন এন্ড জার্কতা অহানবা এট্টেম্প তৌরবা মতুংদা উইদ্রো তৌখি। মিরাবাইগী মতাংদা কোচ বিজয় শর্ম্মানা হায়, মিরাবাই ওইথংবা হিপ জোইন্টদা নুংঙাইতবা ফাওবনা মরম ওইদুনা অরুম্বা থাঙ্গৎপদা খুদোংচাদবা মায়োক্নখি। ফিভম অসিনা মহাক্না লেপ্তনা অরুম্বা থাঙ্গৎলবদি হেন্না শাথিবা ফিভমদা লাক্কদবনা মহাকপু লেপহন্নবা ৱারেপ লৌখিবনি।

সোর্স: সঙাই এক্সপ্রেস   

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: