বাংলাদেশকী নিংতম লানদা শরুক য়াখিবা মৈতৈ ফ্রিডম ফাইটার ১৩বু ইকায়খুম্নবা উৎখ্রে
সিলেট, ২৬ মার্চ : ১৯৭১ বাংলাদেশ নিংতম লানদা পাকিস্তানদগী নিংতম্বগী ৱাখলদগী মমা লৈবাক নিংলবা পিক্লবা ফুরুপচা অমদগী মৈতৈ থৌনা ফরবা কয়া চোংথোরক্তুনা লান অসিদা শরুক য়াখি। অদুগুম্লবা থৌনা ফরবা মৈতৈ ফ্রিডম ফাইটার ১৩ বু ২৬ মার্চ বাংলাদেশকী নিংতম নুমিৎকা মরী লৈননা মণিপুরী য়ুথ ফোরামনা ঙরাং ২৫ মার্চ, লৈবাকপোকপা নুমিৎ সিলেট জেলা পরিষদ হোলদা ইকায়খুম্নবা উৎপগী থৌরম অমা পাংথোকখি।
এল সূচনা সিনহা অমসুং শুভজিৎ সিংহনা খুৎ শম্নদুনা কন্ডাক্ট তৌখিবা ইকায়খুম্নবগী থৌরম অদুদা অহানবদা লেংবিরক্লিবা মীথুংলেন ময়ামবু লৈ অমসুং লেংয়ান খুদোল তমখিবগা লোয়ননা মণিপুরী ইয়ুথ ফোরামগী প্রেসিডেন্ট হিজম সুশীল না তরাম্না ওকপগী ৱাহৈ থম্মদুনা ময়াম্বু তরাম্না ওকখি।
ইকায়খুম্নবা থৌরম অদুদা নৈনবা মীফমদা মণিপুরী য়ুথ ফোরামগী এডভাইজর এল ইবুংহাল শ্যামল সিংহনা ময়াই তাংবল লৌরগা চীফ গেস্ত ওইনা বাংলাদেশ সরকারগী মিনিস্ট্রি ওব এক্সপার্ট্রিয়েটস ওয়েলফেয়ার এন্ড ওভারসীজ এমপ্লোয়মেন্ট স্টেট মিনিস্টার শফিকুর রহমান চৌধুরীনা ওইখি। অখন্নবা মীথুংলেন ওইনা সিলেটকী ডিসি শেখ রাসেল হাসান, সিলেট সিটি আওয়ামী লীগকী প্রেসিডেন্ট অমসুং ফ্রিডম ফাইটার মাসুক উদ্দিন আহমদ, জেলা পরিষদকী চেয়ারম্যান নাসির উদ্দিন খান, কবি অমসুং অইবা এ. কে শেরাম, জেলা পরিষদকী সি ই্ ও ( চীফ এক্সিকিউটিব ওফিসার ) সন্দীপ কুমার সিংহ না শরুক য়াখি।
থৌরম অদুগী চীফ গেষ্ট স্টেট মিনিস্টার শফিকুর রহমান চৌধুরীনা থৌনা ফরবা মৈতৈ ১৩ ফ্রিডম ফাইটার মরক্তগী থোঙাম ধীরেন্দ্র সিনহা, এম মনমোহন সিংহ মশা য়াওনা অমসুং অতোপ্পা ফীড্রম ফাইটার আদিত্য শর্মা, কে দিলীপ সিংহ, নীলবাবু সিংহ, কে এইচ নীলবাবু সিংহ, খোমদ্রম প্রতাপ চন্দ্র সিংহ, নীলমনি সিংহ, এল হরেন্দ্র সিংহ, এস প্রদীপ কুমার সিংহ, পুতুল সিনহা, হেনাম প্রহ্লাদ সিংহ, হেনাম সানাতোন সিংহ গী মায়কৈদগী মখোয়গী ইমুংমনুংগী মীওইদা ক্রেস্ত অমসুং লেংয়ান পীরদুনা ইকায়খুম্নবা উৎখি।
পাংথোকখিবা
অরোইবদা ইন্টারনেশনেল মাদার লেংগ্বেজ ডেগা মরী লৈননা ওনলাইনদা পাংথোকখিবা গ্রুপ অহুম থোক্না শৈরেং শৈদিন্নবগী চাংদম্বনবদা মায় পাকখিবা মহৈরোয়শিংদা মনা য়েন্থোকখি।
0 কমেন্ট:
কমেন্ট তৌবিয়ু