কলচরেল ফোরম মণিপুরগী মনাশিং লান্থোক্লগনি
ইম্ফাল, এপ্রিল ১৫ : কলচরেল ফোরম মণিপুরগী ইং ২০২৩ অমসুং ইং ২০২৪ গী মনাশিং মথং মথা মে ১৭ তা ফোরম অসিগী ফাউন্দেসন দে থৌরমদা য়েন্থোক্লগনি।
হৌখিবা ইরাই নুমিৎতা ফোরম অদুগী প্রেসিদেন্ত প্রোঃ কোইজম শান্তিবালা দেবীনা মীফম মপু ওইদুনা একজিক্যুতিব মেম্বরশিংগী ওইবা মীফম অমা পাঙথোক্তুনা ইং ২০২৩ অমসুং ইং ২০২৪ গী ওইনা ফোরমগী চৎন-কাঙলোনগী মতুংইন্না মনা পীবদা খ্বাইদগী মতীক চারবা মীশিংনি হায়না মীফম অদুনা অয়াবা পীখি হায়না ফোরম অদুগী জেনরেল সেক্রেতরি দাঃ নাওরেম অহঞ্জাও মৈতৈনা থোকপা চেরোল অমনা হায়রি।
ফোরম অদুনা লাউথোরক্লবা মনা ফংগদবশিং অদুদি থোইবী এৱার্দ ২০২৩ কী ওইনা হিয়াংলম ময়াই লৈকায়দগী মাইবম নবকিশোর সিংহ, দিনেশ্বরী সাহিত্য মনা (ইন ক্রিএতিব ৱার্ক) ২০২৪ না বেরিল থাঙ্গ (চোইজাইনরবা পুন্সি-উপন্যাস), হুইরেম অমুবা এন্দ য়াইমবী এৱার্দ (লাইফতাইম এচিবমেন্ত) ইন স্কপচর ২০২৪ না শামুলাইলাৎপম জয়চন্দ্র শর্ম্মা, প্রোঃ চোংথাম মণিহার সিংহ এৱার্দ (লাইফতাইম এচিবমেন্ত ইন দ্রামা) ২০২৪ না থাংমৈবন্দ চোংথাম লৈকায়দগী রাশি দেবী, লাইরেল্লাকপম ধরন্বী সিংহ লিতরেরি এৱার্দ (য়ং ক্রিএতিব রাইতর) ২০২৪ না ৱাঙ্গোই অৱাং লৈকায়দগী এস কে সরোজ খান (হিংনা শিরবা পুন্সি-শৈরেং), লাইশোম ওংবী ইন্দ্রানি অমসুং লাইশোম গীতাবলি মেমোরিয়েল এৱার্দ ২০২৪ না ককচীং দগী মোইরাংথেম রাজেন (মৈ ৱৈইরক্লবা নুমিদাং-ৱারীমচা), দাঃ ইবেয়াইমা কলচরেল হার্মোনি এৱার্দ ২০২৪ না মহাবলি কবুই খুলদগী দাংমৈ লুংপুইজৈ কুবুই, মাইস্নাম বাবু অমসুং পশোৎ মেমোরিয়েল এৱার্দ (আউতস্তেন্দিং ৱুমেন্স ক্রিএতিভ রাইতর) ২০২৪ না ক্ষত্রেময়ুম সুবদনি দেবী,
হুইরেম রঞ্জিৎ মেমোরিয়েল এৱার্দ (লাইফতাইম এচিবমেন্ত ইন খূৎলং ঈশৈ) ২০২৪ না কাঙবম লৈকায়দগী অরম্বম বীরেন সিংহ, লাইশোম তোম্বা মেমোরিয়েল এৱার্দ (লাইফতাইম এচিবমেন্ত ইন ফোকলোর) ২০২৪ না নাগামপাল শিংজুবুং লৈরক্তগী প্রোঃ ওইনাম ইবোচাউবা সিংহ, ঙাঙোম ভানুমদি দেবী মেমোরিয়েল এৱার্দ (লাইফতাইম এচিবমেন্ত ইন মনোহরসাই) ২০২৪ না ব্রহ্মচারিময়ুম অভিমন্যু শর্ম্মা, তখেল্লম্বম ওংবী হামোম চাওবীতোন দেবী ফ্রিদম ফাইতর মেমোরিয়েল এৱার্দ (লাইফতাইম এচিবমেন্ত ইন খোংজম পর্ব্ব) ২০২৪ না খুমন্থেম সুন্দরি দেবী, গুরুময়ূম বালা দেবী এৱার্দ (লাইফতাইম এচিবমেন্ত ইন মীতৈ পুং) ২০২৪ না সেগৗগাইজম তেনবা সিংহ, অরাম্বম ইবুঙোহল অমসুং বিনোতকুমারী মেমোরিয়েল এৱার্দ (আউতস্তেন্দিং ক্রিয়েটিভ রাইতর) ২০২৪ না য়েংখোম ইন্দিরা দেবী, কুমন্থেম প্রকাশ এৱার্দ (দিসএবল পারফোর্মিং আর্তিস্ত) ২০২৪ না সুনিতা নেপ্রম,
কোইজম ধীরেন মেমোরিয়েল লিতরেরি এৱার্দ ২০২৪ না কমল তোইজাম্বা, দিবিনা তখেল্লেম্বম নীংশিং মনা (চহী ৪০ ফাওবগী মনুংদা লৈবা অইবা, অইবীশিংদা পীবা) ২০২৪ না একে জিতেন, হাওরোকচম ঐজ্ঞাজিৎ মেমোরিয়েল এৱার্দ ২০২৪ (লাইফতাইম এচিবমেন্ত ইন নট ঈশৈ) ৱাই গম্ভীনি দেবী, নোংথোম্বম মঙ্গি দেবী লিতরেরি এৱার্দ (ইংলিশ), ২০২৪ না লিন্থোই চনু, থোকচোম সনাজাওবী মেমোরিয়েল এৱার্দ (লাইফতাইম এচিবমেন্ত ইন মতম ঈশৈ) ২০২৪ শগোলশেম তিজেন্দ্র, ফিজম রোতোনসনা মীতৈ মেমোরিয়েল এৱার্দ (লাইফতাইম এচিবমেন্ত ইন দ্রামা) ২০২৪ না অয়েকপম ইনাকখুনবা, লোইতোংবম কালাচান্দ অমসুং লোইতোংবম ওংবী থম্বাল ঙাংবী মেমোরিয়েল এৱার্দ (লাইফতাইম এচিবমেন্ত ইন ওল্ড মণিপুরী লিতরেচর) ২০২৪ না নাওরোইবম ইন্দ্রমণি, এলাংবম দীনমণি অমসুং ইবেহায়বী লিতরেরি এৱার্দ ২০২৪ না ক্ষেত্রি সনাজাওবা, হৈক্রুজম ইবুংঙোহল ত্রান্সলেসন এৱার্দ (লাইফতাইম এচিবমেন্ত ইন ত্রান্সলেসন) ২০২৪ না নিঙোম্বম পৌলেন্দ্রজিৎ সিঙহ, ৱাঙ্খৈরাকপম গৌতম মেমেরিয়েল এৱার্দ (আউস্তেন্দিং ইন সাইন্স রাইতর) ২০২৪ না প্রোঃ থিয়াম যেকেন্দ্র,
খাইদেম নবকুমার মেমোরিয়েল এৱার্দ (মণিপুরগী মপান্দা লৈবা অইবদা পীবা ত্রান্সলেসন এৱার্দ) ২০২৪ না দাঃ নাওরেম বিদ্যাসগর সিংহ, ওইনাম নিংথেমজাউ অমসুং ওইনাম ওংবী জান্দবী মেমোরিয়েল এৱার্দ (লাইফতাইম এচিবমেন্ত ইন কলচর) ২০২৪ না নিংথৌজম খোলো সিংহ, থিয়াম ইবোমচা মেমোরিয়েল এৱার্দ (লাইফতাইম এচিবমেন্ত ইন ক্লাসিকেল ম্যুজিক/দান্স) ২০২৪ না রাজকুমারী সাবিত্রি দেবী, ৱাঙ্খৈরাকপম কহ্নাই অমসুং নুপীমচা লৈমা মেমোরিয়েল এৱার্দ (লাইফতাইম এচিবমেন্ত ইন লাই হরাওবা) ২০২৪ না লাইফ্রাকপম নিঙোল ওইনাম ওংবী ধোনী দেবী, গুরুময়ুম নরায়ন শর্ম্মা অমসুং গুরুঅরিবম জোন শর্ম্মা নীংশিং মনা (আউতস্তেন্দিং পার্সোনোলিতি ইন মণিপুরী সিনেমা) ২০২৪ না য়েঙ্খোম রোমা, কমল তোইজাম্বা লিতরেরি এৱার্দ ইন ফিক্সন ২০২৪ না লমাবম বীরমণি সিংহ অমসুং ৱাংঙ্খৈরাকপম সনাজাওবা মৈতৈ মেমোরিয়েল এৱার্দ (লাইফতাইম এচিবমেন্ত ইন লৈমা জগোই/মাইবী জগোই) ২০২৪ না অখাম লক্ষ্মী দেবীনি।
মনাশিং অসি মে ১৭ তা ইম্ফালগী জে এন মণিপুর দান্স একাদেমিগী ম্যেইন ওদিতোরিয়ামদা পাঙথোক্কদবা কলচরেল ফোরম মণিপুরগী ফাউন্দেসন দে থৌরমদা লান্থোক্কদৌরি।
সোর্স : পোক্নফম
0 কমেন্ট:
কমেন্ট তৌবিয়ু