• 100
• ২৫শে এপ্রিল ২০২৪ ইং
• Share on:

পব্লিক লাইব্রেরী ময়াং ইম্ফালগী ১৪ শুবা মপোক কুমওন পাঙথোকখ্রে 

ইম্ফাল, এপ্রিল ২৩ :  পাবলিক লাইব্রেরী, ময়াং ইম্ফালগী ১৪ শুবা মপোক কুমওন ঙশি  জহরলাল নেহেরু ডান্স একাদেমীদা পাঙথোকখিবগা লোয়ননা চহীগী পীবা মনা লান্থোকখ্রে।
ঙসিগী থৌরম অদুদা রিটার্ড প্রোফেসর লাইশ্রম রনধোনী, পাবলিক লাইব্রেরীগী প্রেসিডেন্ট জেভিস্টা সনজেবা, রিটার্ড ভাইস প্রিন্সিপাল ডাঃ আর কে ইন্দিরা অমসুং ইমাখোলগী ফাউন্ডার প্রেসিডেন্ট ডাঃ আর কে গুনচন্দ্র না মথং শিৎনা চীফ গেস্ট, প্রেসিডেন্ট অমসুং গেস্ট ওব ওনারশিং ওইখি। 

খৌরম অদুদা পাব্লিক লাইব্রেরী লিতারেরি এৱার্দ চহি অসিগী ওইনা শক্নাইরবা অইবা মোইরাংথেম রাজেননা ইবা ‘মৈৱাইরক্লবা নুমিংদাংৱাই’ দা পিখি। মনা অসি আর কে গীতাসনা অমসুং ইমুং মনুংনা কৎপনি। অদুগা পবলিক লাইব্রেরী অথোইবা লুপলোই মনানা শক্নাইরবা অইবা খুমন্থেম অনেশ্বরী অমসুং ৱাহেংবম থোইবিদা পিখি।

থৌরম অদুদা দোনেশ্বর কোন্সমনা ইবা ‘য়েনিংথা লোইদ্রি’, অসেম মেমচাগী ৱারী মচা `নুংশিমন্দুনা' অমসুং য়ুরেম্বম মোতিলানগী মণিপুর ডাইভারসিটি বোর্ড না পুথোকপা ইংলিশতা ইবা ‘ফিশেস ওব মণিপুর এন্ড সস্টেনেবল য়ুটিলাইজেশন’ মিংথোনবা লাইরিক অহুমসু ফোংখি। 
 মখা চৎথরকপদা শক্নাইরবা কবি শামুরাইলাৎপম প্রহলাদ না শৈদিনবা পুরেল ওইদুনা কবি ৫৬ না খোংজম নুমিৎকা মরি লৈননা শৈরেং শৈদিন্নখি।

--