ইম্ফাল, সেপ্টেম্বর ০৫ : মণিপুর ইমা লৈবাক্কীনি হায়বদা মতম পূম্বদা পাম্বোম তীংদুনা লাক্লিবা মপান লমদা লৈরিবা মণিপুরগী অইবা-অইবীশিংনসু রাইটার্স ওফ মণিপুরগী খোঙচৎ অমা ওইরিবা চেঙ মুৎ ৩/৩ পুথোক্নরগা ইমা লৈবাকপু ঙাক্লিবা থৌনা ফবা মচাশিংগী তেক্ত-কায়দনবা পুন্সি চেঙজেল নীবা হৌখ্রে হায়না রাইটার্স ওফ মণিপুরগী মীদিয়া কোওর্দিনেটর পি সরতনা থাদোরকপা চেরোল অমনা ফোঙদোরক্লি।

খোঙচৎ অসিদা আসামদগী নাওরেম অমুয়াইমা, লাইরেনলাকপম, সুর্তিকুমার, অনিতা নিঙোম্বম, তেনশুবম মনিহার, থৌনাওজম শ্যাম, দব্লিয়ু হোলেনস্না, কৈশাম হেমচন্দ্র, থোকচোম ঙৌবা, মৈস্নাম ভগৎ, মোইরাংথেম রাজকুমার, লাইরেনলাকপম ওংবী বৈজন্তি, কৈশাম তেজমনি, ফামদোম মনিবাবু, ডো. হিদম দোলেন, এন জি বিজোয়া, থাংজম চাউরেন, ডো. এম গোপাল অমদি থাংজম বিরেন্দ্রনচিংবা মণিপুরগী মপান্দা লৈবা অইবশিংনা পুনশিন্দুনা পুখৎলকপা চেঙ মুৎ ৩/৩ গা কোন্না মখোয়না তাশিন-খোমজিনবা লুপা ১২,৭০০ মণিপুরগী অইবশিং রাইটার্স ওফ মণিপুরদা খুৎশিন্নরকখ্রে। শীন্নরকখিবা তেংবাঙ অদু রাইটার্স ওফ মণিপুরনা পায়খৎকদবা মরিশুবা ফেজগী শরুক অমা ওইনা পল ঙাক্লিবশিংদা শীন্নরগনি হায়রি।

মণিপুরগী হৌখিবা মে ৩দগী থোক্লকখিবা ঈরাং অসিদা মণিপুর কন্নবা লোইজিং-লোয়াদা লান ঙাক্লিবশিংবু পূক্নিং থৌগৎপগা লোয়ননা মখোয়গীদমক তেংবাঙ পোৎলমশিং মণিপুরগী অইবশিং রাইটার্স ওফ মণিপুরনা নোংমাইজিং খূদিংগী লোইজিং-লোয়শিংদা থীন্দুনা লাক্লি। লৈবাক কয়াদনবা অমদি অপূনবা মণিপুর অমা শাগৎপদা মীৎয়েং থম্রগা পুনশিনসি ঐখোয় হায়বা খোল্লাও পুদুনা হৌখিবা মে ৭ তগী চৎপা হৌরকখিবা  অইবশিংগী খোঙচৎ অসিনা লৈবাক অসিগী মীয়ামদা ঐখোয় অমগা অমগা তোখায় তান্নবগী হৈনবী থাদোক্নরগা অমত্তা ওইনা পুনশিন্দুনা ইরৈপাক ঙাকমিন্ননবা পাউজেল পীদুনা লাকখিবা অসিদা মমা লৈবাকপু ঙাক শেল্লিবা মচাশিংবু তেক্ত-কায়দনবা পুন্সি চেঙজেল অইবশিংগী খুত্থাংদা লেপ্তনা শীন্নরক্লি হায়নসু চেরোল অসিনা মখা তানা ফোঙদোরক্লি।

সোর্স: হুইয়েন লানপাউ