ৱার্ল্ড মীতৈ কাউন্সিলগী অহুমশুবা চহীগী ফেলিসিটেশন থৌরম পাঙথোকখ্রে
আগরতলা, আগষ্ট ২১ : ৱার্ল্ড মীতৈ কাউন্সিল ( ডব্লিউ.এম.সি), ত্রিপুরা ষ্টেট ইউনিটকী অহুম শুবা ফেলিসিটেশন থৌরম আগষ্ট ১৬, নোংমাইজিং নুমিৎতা আগরতলাগী সুকান্ত ওডিটোরিয়ামদা পাঙথোকখ্রে। হন্দক চহীগী ওইনা ক্ষেত্রিময়ুম রুহিনী সিংহদা লাইফটাইম এচিভমেন্ট এৱার্ড, অধিকারীময়ুম রনজিত শর্মা অমসুং খুমন্থেম অনীমাদা কলচরেল এক্সিলেন্স এৱার্ড পীদুনা ইকাই খুম্নখি।
মশক নাইবা মীওই খরা ইকাইখুম্নবগা লোয়ননা মার্কস ৱাংনা ফংবা মহৈরোই খরবু কেস এৱার্ড পীদুনা পুক্নিং থৌগৎপীখি। থৌরম অদু ত্রিপুরা ইউনিটকী প্রেসিডেন্ট হাওবম বঙ্কিমনা চেয়ার লৌরগা চীফ গেষ্ট ওইনা এম.এল.এ য়েলাম বীরজিৎ সিংহ, গেষ্ট অব অনার ৱার্ল্ড মীতৈ কাউন্সিলগী চেয়ারম্যান কর্ণেল তেনসুবম গোকুল চন্দ্র শরুক য়াখি। সাহিত্য পরিষদকী প্রেসিডেন্ট এল
বীরমঙ্গল, সোসেল এক্টিভিষ্ট এম মৃনাল কান্তি সিনহাসু ডায়াসতা কাখি।
নোংমগী ওইনা পাংথোকখিবা থৌরমগী অরোইবদা মখল মথেল কয়াগী কালচার প্রোগ্রামসু উৎতুনা থৌরম অদু লোইশিনখি।
সোর্স : মরূপ
0 কমেন্ট:
কমেন্ট তৌবিয়ু