ত্রিপুরা লৈঙাক্না মণিপুরী লোলগী নুমিৎ পাঙথোকখ্রে
আগরতলা, আগষ্ট ২০ : ইংকুমজা ১৯৯২ দা মণিপুরী লোলবু ভারত সংবিধানগী ৮শুবা সেদ্যুল্ডা চনখিবা আগষ্ট তাং ২০ নুমিৎ অসিবু নীংশিংদুনা মণিপুর যাওনা অৱাং নোংপোক অমসুং অতৈ ষ্টেটতা মণিপুরীনা লৈবা মফম শিংদা পাঙথোকপণ্ডম ত্রিপুরাদসু ৩৫ শুবা মণিপুরী লোলগী নুমিৎ পালন তৌখ্রে।
ত্রিপুরা লৈঙাক্কী ককবরক এ্যন্ড আডার মাইনোরিটি ল্যাঙ্গুয়েজনা শীন্দুনা ঙসি আগষ্ট ২০ আগরতলা শ্যামা প্রসাদ মুখার্জি টাউন হোলদা মণিপুরী লোলগী নুমিৎকী থৌরম অসি পাঙথোকখি। থৌরম অদু চীফ গেষ্ট ওইনা ত্রিপুরাগী অর্থমন্ত্রী প্রনজিৎ সিংহ রয়না হৌদোকপীখি। থৌরমদা মণিপুর লৈঙাক্কী আর্ট এ্যন্ড কালচার মিনিষ্টার খুরাইজম লোকেন সিংহনা গেষ্ট অব অনার ওইখি। থৌরম অদুদা ককবরক এ্যন্ড আদার মাইনোরিটি ল্যাঙ্গুয়েজ লোয়শঙগী ডিরেক্টর, মণিপুর ইউনিভার্সিটি অব কলচরগী ভাইস চ্যান্সেলর প্রোঃ পাওনম গুণিন্দ্র, মণিপুরী ল্যাঙ্গুয়েজ এডভাইজরি কমিটিগী ভাইস চেয়ারমেন টিএইচ নীলকুমার সিংহ নচিংবা শরুক য়াখি।
থৌরমগা মরী লৈননা হন্দক চহীগী ওইনা শক্নাইরবা মীওই মরিদা মনা পীদুনা ইকাইখুম্নখি। মরু ওইবা থৌরমগী মমাংদা আগরতলা মপান্দগী মফম কয়াদগী লাকপা মণিপুরী ডেলিগেটশিং রেলিদা শরুক য়াদুনা লোলগী নুমিৎকী থৌরম অসি মপুং ফাহনখি।
অরোইবদা ত্রিপুরাগী তোঙান তোঙানবা কালচরেল টিম ১২ না মখল মথেল কয়াগী কালচার প্রোগ্রামসু উৎতুনা থৌরম অদু লোইশিনখি।
সোর্স : মরূপ
0 কমেন্ট:
কমেন্ট তৌবিয়ু