বাংলাদেশতা নুমিৎ ১০গী ওইবা মৈতৈ ময়েক তম্বীবগী ৱার্কসোপ হৌদোকখ্রে
সিলেট, সেপ্টেম্বর ০২ : ইন্টারন্যাশনাল মাদার ল্যাঙ্গুয়েজ ইনস্টিটিউট ( IMLI) কী তেংবাংগা লোয়ননা মণিপুরী ভাষা গবেষণা ও উন্নয়ন সংস্থানা শিন্দুনা ঙরাং ১ সেপ্টেম্বর'২৬ লৈপাকপোকপা নুমিৎ নুংথিল পুং ৪ দা মৌলভীবাজার জেলাগী কমলগঞ্জ উপজেলা মনুং চন্না লৈবা মণিপুরী কালচারাল কমপ্লেক্সতা নুমিৎ ১০গী ওইবা মৈতৈ ময়েক তম্বীবগী ৱার্কসোপ হৌদোকপগী থৌরম পাংথোকখ্রে।
থৌরমগী অহাম্বদা লৈ অমসুং লেংয়ান য়াল্লদুনা মিথুংলেনশিংবু তরাম্না ওকশিনখি। মণিপুরী লাইব্রেরি এন্ড রিসার্চ সেন্টারগী ডিরেক্টর অয়েকপম অন্জুনা কন্ডাক্ট তৌখিবা অমসুং মণিপুরী কালচারাল কমপ্লেক্স কী প্রেসিডেন্ট এল জয়ন্ত সিংহনা থৌরম মপু ওইরগা উপজেলা ইদুকেশন অফিসার মিষ্টার এনামুর রহিম বাবুর'না থৌরম অসি হৌদোকখি হায়রি।
থৌরম অসিদা মিথুংলেন ওইনা শরুক য়াখি মণিপুরগী শক্নাইরবা সোশ্যাল এক্টিভিস্ট, পেট্রিয়টিক রাইটার্স ফোরাম (পিএডব্লিউএফ) মণিপুরগী সেক্রেটারী রাকেশ নাওরেম, মীতৈ ইরোল ইয়েক লোইনশিল্লোন অপুন্বা লূপ (মিলাল)গী থৌবুরেল পাউনম ইবোমচা, লুচিংপুরেল নাউরেম নোংমাইলেম্বী লৈমা অমসুং মাইবম ইন্দ্রজিৎ মীতৈ, ইদুকেসন সেক্রেটারি, মীলাল।
মণিপুরী ভাষা গবেষণা ও উন্নয়ন সংস্থা- লূপ অসিগী সেক্রেটারি এল ইবুংহাল সিংহ শ্যামলনা তরাম্না ওকপগী ৱারোল অমসুং নুংগী ওইবা ৱারোল থমখিবগা লোয়ননা মণিপুরী প্রাথমিক শিক্ষক সমিতিগী প্রেসিডেন্ট শান্ত কুমার, হৈরোল ফাউন্ডেশনগী ডিরেক্টর কন্থৌজম শিল্পী, মণিপুরী ভাষা প্রশিক্ষণ কেন্দ্রগী ফাউন্ডার ডিরেক্টর কায়েনপাইবম বৃন্দা, সোশ্যাল এক্টভিস্ট অমসু রিটায়ার্ড হাইস্কুল হেডমাস্টার মাইবম বীরেন্দ্র, মণিপুরী কল্যাণ পরিষদকী সেক্রেটারি ওইনাম পামহৈবা, মোশাহীদ আলী, প্রাইমারী হেড টিচার অমদি জয় কুমারনা থৌরম অসিগা মরি লৈননা অখন্ননা ৱা ঙাংখি হায়দুনা সিলেটতগী ফংবা পাউ অসিনা হায়রি।
0 কমেন্ট:
কমেন্ট তৌবিয়ু