মণিপুরী সাহিত্যগী মনা ফংগদবশিং লাউথোকখ্রে
ইম্ফাল, দিসেম্বর ৩ : মণিপুরী লিতরেরি সোসাইতি ইম্ফালগী একজিক্যুতিব বোর্দকী মীফম ঙরাং ফমখিবগা লোয়ননা ইং ২০২৩ গী ওইনা মণিপুরী সাহিত্যগী মনা ফংগদবশিং লাউথোক্লে হায়না মণিপুরী লিতরেরি সোসাইতিনা থাদোরকপা চেরোল অমনা হায়রি।
মনা ফংগদবশিং অদুদি- নহাকপম অরুনাদা সেরাম মুক্তা মনা, শামুরাইলাৎপম শান্তিবালা দেবীদা খুরাইজম ফুল্লো-সনাথোই শৈরেংগী মনা, ৱাইখোমচা ইবোতোম্বী মঙাংদা কোইজম কুল্লচন্দ্র অমসুং সনায়াইমা দেবী নোবেল এৱার্দ, নেপ্রম ময়াদা মাইবম কেবোল অমসুং সূ্র্য্যমুখি নীংশিং ৱারীমচাগী মনা, রাজকুমারী সুনিতি কৌশলদা লোইতোংবম বসন্ত সিংহ নীংশিং ত্রান্সলেসন মনা, ইরুংবম বসন্তদা সনসম তোমাল নীংশিং সাহিত্য মনা, থৌদাম শ্যামজাই (ঈরিকখোম্বা) দা অঙোম নিংথৌ অমসুং অঙৌরৈ সাহিত্য মনা, ক্ষেত্রিময়ূম সুবদনীদা মন্ত্রিময়ূম নিঙোল মোইরাংথেম ওংবী ইবেতোম্বী সাহিত্য মনা অমসুং পোলেম নবচন্দ্রদা নিংথৌজম চাওবা অমসুং য়াইমা দেবী এৱার্দ (লাইফ তাইম এচিবমেন্ত ইন মণিপুরী লিতরেচরগী) মনা পীরগনি হায়রি।
মনা অসি হৌজিক ওইরিবা মণিপুরগী ঈরাং অসি খরা নেমথরকপগা অথুবা মতমদা লান্থোক্নবা হোৎনগনি হায়নসু মণিপুরী লিতরেরি সোসাইতিনা থাদোরকপা চেরোল অসিনা মখা তারি।
সোর্স: পোক্নফম
0 কমেন্ট:
কমেন্ট তৌবিয়ু