অশৈলুপ শিলচরগী লাইরিক ফোঙবা
আগরতলা, নভেম্বর ১৮ : নোংচুপ হারম মণিপুরী অশৈলুপ, শিলচরনা লাইরিক ফোঙবগী থৌরম অমা ডিসেম্বর ৬ দা পাঙথোক্কদৌরি। লুপনা থা ৪/৪ গী ওইনা পুথোকপা মেগাজিন 'শমজিরৈ' লোয়ননা নাওরেম রাজেননা ইবা লাইরিক অনী 'পুন্সি য়াচঙলমদাইগী লংদাইসিদা' অমসুং 'নীংশিংলকপা খরা, ইনীংলকপা খরা' অদুগা লাইরেল্লাকপম চম্পলাল সিংহনা ইবা 'শনরিক মচু' হায়বা লাইরিক অমসু ফোঙগনি হায়রি। লাইরিক ফোঙবগী থৌরম অসিদা লুপকী প্রেসিডেন্ট আই এস থিংগোমনা থৌরম মপু ওইরগা আসাম যুনিভার্সিটি গী ডিন হাওবম নোনী সিংহনা মীথুংলেন অদুগা জনতা কলেজগী এইচ ও ডি (মণিপুরী বিভাগ) উষারাণী শর্মানা ইকাইখুম্নজবা মীথুং ওইনা শরুক য়াগনি। থৌরম অদুদা রুরেল কলেজ, লালাগী এসোসিয়েট প্রোঃ ড. লাইশ্রম মুশিন্দ্র, জনতা কলেজগী এসি. প্রোঃ ড. এনডি হোদাম্বা অমসুং নেহরু কলেজগী এসি.প্রোঃ ড. সাগপম মেরিনা না ফোঙগদবা তোঙান তোঙানবা লাইরিক শিংগী মরমদা ৱা ঙাংগনি হায়না শিলচরদগী পাউদা হায়রি।
সোর্স : মরূপ
0 কমেন্ট:
কমেন্ট তৌবিয়ু