• 583
• ৫ই ডিসেম্বর ২০২৩ ইং
• Share on:

অয়েকপম ফাউন্ডেশনগী স্কোলারশীপ এক্সাম পাঙথোকখ্রে

সিলেট, ৩ ডিসেম্বর : অয়েকপম ফাউন্ডেশননা শিল্লাংদুনা স্কোলারশীপ এক্সাম অমা ডিসেম্বর তাং ২, থাংজ নুমিৎতা ঐয়ুক পুং ১০ দগী পুং ১দা কমলগঞ্জ উপজেলা মনুং চনবা তেতইগাঁও রশিদ উদ্দিন হাইস্কুলদা পাঙথোকখি। অয়েকপম ফাউন্ডেশনগী ফাউন্ডার আমেরিকাদা লৈবা অয়েকপম বিজন অমসুং মহাক্কী মচননুপি অইবী অয়েকপম অঞ্জুগী মীৎয়েং মখাদা মৌলভীবাজার ডিষ্ট্রিক্টকী কমলগঞ্জ উপজেলা মনুংচনবা গভর্ণমেন্ট, নোন-গভর্ণমেন্ট, কিন্ডারগার্টেন স্কুলশিংগী ক্লাশ অহুম, ক্লাস মরি অমসুং ক্লাশ মঙাগী মহৈরোয় ৫৮২ না শরুক য়াখি। 
কমলগঞ্জ উপজেলা কিন্ডারগার্টেন এসোসিয়েশনগী মতেংদা হায়রিবা কমলগঞ্জ উপজেলাগী এডুকেশনাল ইনষ্টিটিউটত ২৯গী মহৈরোয় ময়াম শরুক য়াখি। এক্সাম ওবজার্ভার ওইনা মণিপুরী ইয়ুথ ফোরাম গী মীহুৎ ২৪ না এক্সাম মপুং ফাহনবদা মতেং পাংখি। 
এক্সাম মতমদা ভিজিটর ওইনা ভিজিট তৌবিখি কমলগঞ্জ উপজেলাগী চেয়ারম্যান ফ্রিডম ফাইটার রফিকুর রহমান, কমলগঞ্জ উপজেলা একজিকিউটিব অফিসার জয়নাল আবেদীন, আদমপুর ইউনিয়ন পরিষদকী চেয়ারম্যান আব্দাল হোসেন, এক্স চেয়ারমেন সাব্বির আহমেদ ভূঁইয়া, কমলগঞ্জ পল্লী বিদ্যুতকী ডিজিএম গোলাম ফারুক মীর, দৈনিক বাংলা পত্রিকাগী কমলগঞ্জ-শ্রীমঙ্গল রিপ্রেজেন্টেটিভ মুজিবুর রহমান রঞ্জু, বাংলাদেশ মণিপুরী মুসলিম এডুকেশন ট্রাষ্টকি সভাপতি সাজ্জাদুল হক স্বপন, বাংলাদেশ স্কাউটস কমলগঞ্জ উপজেলাগী সেক্রেটারী অমসুং মঙ্গলপুর গভর্ণমেন্ট প্রাইমারি স্কুলগী হেড মাস্টার মোসাহিদ আলী য়াওনা অতৈ অতৈ কয়া।
ভিজিটর ময়াম্না অয়েকপম ফাউন্ডেশননা পায়খৎলিবা থৌরম কয়াবু থাগৎতুনা ৱাহৈ কয়া থম্বিরম্মি। অয়েকপম অঞ্জুনা হায় ফাউন্ডেশন অসি শেমগৎলকপদগী খুনাইগী চাওখৎ খোংথাংগা লোয়ননা এডুকেশন, হেল্থ অমসুং ইকোনোমিক ডেভেলপমেন্টগীদমক থৌরম কয়াসু পায়খৎখি।