জিরিবাম, নভেম্বর ১ : ঙসি কাছারগী কোঞ্জেংলৈকাই, লক্ষিপুরদা মণিপুরী আর্ট এন্দ কালচার সেন্টার অমা শানবা লোকেল এম এল এ কৌশিক রাইনা ফাউন্দেসন ষ্টোন মাইখুম হাংদোকখ্রে। লুপা ক্রোর অমা চঙনা শাগদৌরিবা মণিপুরী আর্ট এন্দ কালচার সেন্টার অসিগী অহানবা ওইনা লুপা লাক্ষ ৫০ পীখ্রে হায়রি।

থৌরম অদুগী অফোঙবা মীফমদা মৈতৈ পুকৈ লুপ লক্ষিপুরগী প্রেসিদেন্ট য়ুম্নাম নদিয়াচন্দা, অথৌবা নিংশিং লুপ লক্ষিপুরগী প্রেসিদেন্ট আরকে সনাহল অনিনা মীফম মপু, লক্ষিপুরগী এমএলএ কৌশিক রাইনা অথোইবা মীথুং, মুতুম রিনা সিংহ, চিয়ারপার্সন এমদিসি হাওরোংবম কুন্দলাল, ফাউন্দার জেনারেল সেক্রেটারি, মীতৈ পূকৈ লুপ লক্ষিপুরনা ইকায়খুম্না মীথুংশিং ওইনা ডাইজতা ফমখি।

থৌরম অদদা অথোইবা মীথুং ওইনা এমএলএ কৌশিক রাইনা  ৱাহৈ খরা থম্বা

মাইবম মণিধোন, জেনারেল সেক্রেটারি মীতৈ পূকৈ লুপনা তরাম্না ওকখি। থৌরম মরী লৈননা ৱা ঙাঙলদুনা এমএলএ কৌশিক রাইনা লক্ষিপুর লমদম অসি জাতি কয়ানা পুন্না খুন্দামিন্নরিবা মফম অমনি। জাতি খুদিংমকপু অমত্তা ওইনা য়েংদুনা চাওখৎনবা থৌরাং কয়া পায়খৎলক্লিবা অদুগী মতাংদা মীয়ামদা পাউদমখি। তুংদসু ঐখোয় পুন্না চৎমিন্নদুনা খুনাইগী চাওখৎনবা থবক থৌরম কয়া পাঙথোকমিন্নসি হায়খি। মঙোন্দা ভোত পীগেরা পীরোইগেরা মহাক্না এমএলএ অমা ওইনা জাৎ বিজাৎ খায়দনা থবক্তি শুগনি হায়না রাইনা মখা তাখি।

থৌরমদা লেংবীরকখিবশিং অমদি দাইজকী মীওইশিংনা কোঞ্জেং লৈকাইদা মণিপুরী আর্ট এন্দ কালচার সেন্টার অমা শানবা থৌরাং তৌরকপা অসিদা অপেনবা ফোঙদোরকখি। লক্ষিপুরগী এমএলএ কৌশিক রাইনা মণিপুরী জাতি অসিগীদমক মহাক্না তৌরিবা থৌদাং অসিদসু থাগৎপা ফোঙদোকখি।

সোর্স: সঙাই এক্সপ্রেস।