• 484
• ৩০শে নভেম্বর ২০২২ ইং
• Share on:

মণিপুরবু সিঙ্গাপুরগুম্না টুরিজমদা অচৌবা ইনকাম লাকহনবা য়াগনি

ইম্ফাল, নভেম্বর ২৯ : মণিপুর অসি রিসোর্স মরাং কায়না লৈতবা ষ্টেট ওইবনা সিঙ্গাপুরগুম্না টুরিজমদা অচৌবা ইনকাম লাক্নবগী লম্বী ওইহনবা য়াগনি হায়না সোসেল ওয়েলফেয়ার মিনিষ্টার হৈখাম দিঙ্গোনা ফোঙদোকখিবগা লোয়ননা মসিগীদমক মপান লমদগী লাকপা লমকোয়বশিংবু মণিপুরগী মীয়াম্না মীওক মীচান ফবা য়াম্না মরু ওই হায়রি। ৱাফম অসি সঙাই ফেষ্টিবেল ২০২২ গী মনুং চন্না খুমন লম্পাক স্পোর্টস কমপ্লেক্সতা চত্থরকপা অহুমশুবা এমাচার মুইএ থাই চেম্পিয়নশিপ ২০২২ লোইশিনবগী থৌরমদা শরুক য়ারদুনা ফোঙদোকখিবনি।

মিনিষ্টারনা হায়, মণিপুরী অসি স্পোর্টসকী লমদা ইন্দিয়াগী ওইনা মাঙজিল থারিবা ষ্টেট অমনি। মুইএ থাইগুম্বা মণিপুর মচাশিংনা য়াম্না পাম্নবা স্পোর্টসকী মশান্না অসি য়োকখৎতুনা ষ্টেট অসিদসু স্পোর্টস ট্যুরিজম চাওখৎহনবা তঙাইফদে। স্পোর্টস টুরিজমনা ইনকাম য়াম্না লাকহনবগা লোয়ননা মীওই কয়াবু থবক পীবগী অচৌবা লম্বী অমসু ওইগনি হায়বসি ঐখোয় পূম্নমক্না খঙনরবা ৱাফমনি হায়খি।

চীফ মিনিষ্টার এন বিরেনগী মীৎয়েং মখাদা পাঙথোকপা সঙাই ফেষ্টিবেল অসি ঙসিদি মণিপুরগী তোঙান তোঙানবা মফমশিংদা পাঙথোক্তুনা খুন্দামিন্নরক্লিবা ফুরুপ খুদিংমক্কী ওইরক্লে। ফেষ্টিবেল অসিনা ইমোসনেল ইন্টিগ্রিটি পুরক্নবা চীফ মিনিষ্টারনা অহিং নুংথিল চোকথবা নাইদনা হোৎনরিবা অসিদা মীয়াম্না পূক্নিং থৌগৎপীফম থোকই। কুহ্মৈ অসিবু য়েংনবা মীয়াম্না চীক্না চাইনবা ঙমদনা তিল্লরিবা অসিনা ফেষ্টিবেল অসি মপূং ফার হায়বা য়াই হায়খি।

ঙসি লোইশিনবগী থৌরমদা এম এল এ টি ঐচ অরুনকুমার, ট্যুরিজমগী দিরেক্টর দব্লিয়ু ইবোহল, এম এ এম টি এগী প্রেসিদেন্ট ডা. টি এম রাজেন অয়াঙবা শরুক য়াখি। মশান্না অসিদা মকোক মথং থারবশিংদা মিনিষ্টারনা মনা-মথুম য়েন্থোকখি।

সোর্স: হুইয়েন লানপাউ