• 669
• ১৮ই অগাস্ট ২০২৩ ইং
• Share on:

মক্রাং শেগায়রগা মফি চিংথোক্লবা ফাওবদা থোক্লকপা ঙমদ্রিবা অশেংবা মীতৈ মচারা হংনিংই

আগরতলা, আগষ্ট ১০ : মমা লৈবাক মক্রাং শেগায়রগা মফি চিংথোক্লবা ফাওবদা মদুগী মায়োক্তা থোক্লকপা ঙমদবা মীতৈ মচা অদুদি মীতৈ অশেংবরা শেংদবরা হংফম থোকই। ৱাফম অসি দিল্লী মীতৈ কোঅর্ডিনেটিং কমিটি অমদি কোঅর্ডিনেটিং কমিটি অন মণিপুর ইন্টিগ্রিটীগা খুৎশম্নরগা দিল্লীগী যন্তর-মন্তরদা পাঙথোকখিবা সীট-ইন-প্রোটেষ্ট থৌরমদা জে.এন.য়ুগী প্রোফেসর বিমলনা ফোঙদোকখিবনি হায়রি।

মহাক্না হায়খি, অতোপ্পা কাঙলুপ অমনা ঙাঙখিবা শকখিবা উৎখিবগুম্না ঐখোয় তৌরোইসি অদুবু খোই মহুমদা থিল্লবদি খোই খরদি শাওদুনা শোয়দনা পাইথোরকপা তাবনি। অদুম্না ঙসিদি মীতৈ ফুরুপ হৌজিক য়াম্না শাওরে। অদুবু মীতৈগী অশাওবা অসিগী খুদোংচাবা লৌনবা মী কয়া অমসু লৈরিবনি। তৌববুদি ঐখোয় পুন্না লৈমিন্নসি হায়দুনা লাকপসিদা ঐখোয়গী তুংদা করি করি ঙাঙনরি, অদুগা করি থৌরাং করি থৌশীল তৌরি হায়বসি ময়েক শেংনা খঙহনবিরকপগীদমক্তা কুকী ইচিল ইনাওশিংবু মহাক্না থাগৎপসু ফোঙদোকখি হায়না পাউদা হায়রি।
সোর্স: মরূপ