image

বিশগাঁও ফেষ্টিভেলদা মণিপুরগী শৈশকপা-শৈশকপী কয়াসু শরুক য়ারুগদৌরি

 সিলেট, জানুয়ারি ১৫ : মণিপুরীশিংনা ইন্দিয়াগী ৱাংমা, অতোপ্পা লৈবাকশিংদা খুন্দারিবা লৈবাকশিংগী মনুংদা বাংলাদেশ লৈবাক্তা ইহান হানবা ওইনা খুন্দাখিবা খুল অমা ওইরিবা বিশগাঁওগী অনীরকশুবা ফেষ্টিভেল ২০২৩ চৎলিবা থা অসিগী ২০ দা পাঙথোক্লগনি।

বিশগাও মণিপুরী ফেষ্টিভেল ওর্গানাইজিং কাউন্সীল বিশগাওনা শীন্দুনা বাংলাদেশকী আবাদগাঁও, গাজীপুর, হবিগঞ্জদা পাঙথোক্কদৌরিবা ফেষ্টিভেল অসিগী মতাংদা ফেষ্টিভেল ওর্গানাইজিং কাউন্সিলগী মেম্বার সেক্রেটারি য়াইখোম নন্দলালনা ফেষ্টিভেল অসিদা বাংলাদেশকী মণিপুরীশিংবু নুংশিবীদুনা মীয়াম হুপ্না শরুক য়াবীরনবা পাউজেল পীরক্লি।

ফেষ্টিভেল ওর্গানাইজিং কাউন্সিলগী মেম্বার সেক্রেটারি য়াইখোম নন্দলালনা ফোঙদোকখিবদা, মণিপুরীশিংনা ইহান হানবা ওইনা খুন্দারকখিবা বাংলাদেশকী বিশগাঁও হায়রিবা খুল অসি তুংগী মীরোলনা নীংশিংদুনা লৈহৌনবা খুল অসিদগী হৌরকখিবা মফম মতমনা য়াদদুনা হৌজিক্তি বাংলাদেশকী তোঙান তোঙানবা রিজনশিংগী খুল কয়াদা হোংখিদুনা খুন্দা-লৈতাখ্রবা মণিপুরী কয়ানা ঐখোয়গী নাৎ, চৎনলোলন, ঐখোয়গী লোল অমদি হৌরক্লোন অসি হৌজিক্কী মতমগী মীরোল অসিনা কাউনরকপদৌনা তৌনরে।

বাংলাদেশতা লৈরিবা নহাশিং হিন্দী, বেঙ্গোলি অমদি ইংলিশকী ঈশৈশিংনা মপুং ওইনা তাখিবনা ঐখোয়গী ঈরোলদা শকচবা অশেংবা মণিপুরী লোলগী ঈশৈ অসি ঐখোয়না তানিংবগী হৈনবী অদুসু থম্লম্বগা লোয়ননা মপুং ওইনা বাংলাদেশতা খুন্দারিবা বেঙ্গোলিশিংনসু ঐখোয়গী ইনাক খুল্লবা কালচার লৈজৈ হায়বসিসু খঙহন্নবা হোৎনবগী মথৌ তারে খন্দুনা অচৌবা ফেষ্টিভেল অমা ওইনা পাঙথোক্নবা শীনবনি হায়খি।

অসিগুম্বা ফেষ্টিভেল অসিনা বাংলাদেশতা লৈরিবা মণিপুরীশিংগা মণিপুরদগী লাকপা মীওইশিং অমদি অহল-লমনশিংগা পুন্না ফম্মিন্নদুনা ৱারী-ৱাতাই শানদুনা পুকমেন পাউমেন্নবা মথৌ তাই খল্লদুনা বিশগাঁও ফেষ্টিভেল অসি ‍কুমজা ২০২০ দা অহানবা ওইনা হৌদোকখিবনি। কোভিদনা মরম ওইরগা লেপ্লুরবা তুঙদা অনীরকশুবা ওইনা ফেষ্টিভেল অসি পাঙথোক্নবা হোৎনবনি হায়খি।

ফেষ্টিভেল অসিগীদমক শরুক য়ানবগীদমক মণিপুরদগী মমিং লৈরবা মিউজিক ব্যান্ড ব্লু ব্যান্ডনা থৌদাং লৌদুনা আর্বিন্দ, এ. জে মৈস্নাম অমসুং কেনেদি খুমন অমদি সুর্মা চনু, জিনা খুমন্থেম, কবিরানচিংবা আর্টিষ্টশিং শরুক য়াগনি হায়রি।

 

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু