আপডেট:
image

সাহিত্য সেবা সমিতি ককচিংগী মপোক নুমীৎকা লোয়ননা মনাশিং লান্থোকখ্রে

ইম্ফাল, জানুয়ারি ১৫ : সাহিত্য সেবা সমিটি ককচিং মণিপুরগী ৫৬ শুবা মপোক নুমীৎ পাঙথোকপগা লোয়ননা সমিটি অসিনা চহী খূদিংগী ওইনা পীবা খোরিরোলগী মনাশিং ঙসি লান্থোকখ্রে। ককচিং ফৌসুপাৎ লৈকায়দা লৈবা লাইব্রেরী এন্দ ইনফোর্মেসন সেন্টার ককচিংগী মীপুনশঙদা পাঙথোকপা সাহিত্য সেবা সমিটি ককচিং মণিপুরগী মপোক নুমীৎ অমদি মনাশিং লান্থোকপগী থৌরম অদুদা দি এম য়ুনিভার্সিটিগী ভাইস চাঞ্চেল্লর প্রোফেসর নোংমাইথেম রাজমোহননা অথোইবা মীথুং, সাহিত্য সেবা সমিটি ককচিংগী প্রেসিদেন্ট ক্ষেত্রি বিরনা থৌরম মপু অমসুং মণিপুরী লিটরেরি সোসাইটি ইম্ফালগী প্রেসিদেন্ট নোংমাইথেম কিরনকুমরনা অখন্নবা মীথুংশিং ওইনা শরুক য়াখি।

ঙসিগী থৌরমদা মনা ফংখ্রবশিং অদুদি য়াম্বেম সত্যনা কৎপা দ্রামা, ওটোবাইওগ্রাফি অমসুং এসেগী লাইরিক্তা পীবা য়াম্বেম মনি সাহিত্য মনা ২০২২ দা মঙলানসিদা হায়রিবা ওটোবাইওগ্রাফি লাইরিক অসিগীদমক লাইরিক অসিগী অইবা এম য়াইমা (তয়ামা) ককচিংদা খুৎশিন্নখি। যেন্দ্রেম্বম তপোবিনা কৎপা নোভেল অমসুং সোর্ট ষ্টোরিগী লাইরিক্তা পীবা মনা য়েন্দ্রেম্বম সুরলতা পুরুস্কারনা শজিগী লৈবাক্তা হায়না মিংথোনবা ৱাশেম-ৱারী নোভেল লাইরিক অসিগীদমক লাইরিক অসিগী অইবা চা খোমৈ লমজাওদা খুৎশিন্নখি।

য়েংখোম কেংবনা কৎপা শৈরেংগী লাইরিক্তা পীবা মনা চিংখু মোইরাং লৈমা নীংশিং কবিরাজ মনানা অপাইবা তাঙ্গোই শৈরেংগী লাইরিক অসিগীদমক লাইরিক অসিগী অইবা মৈ ভগৎ, হাইলাকান্দি আসামদা খুৎশিন্নখি। কে এস ঐচ চাওবনা কৎপা অতোপ অতোপ্পা লোলদগী মণিপুরীদা হন্দোকপা লাইরিক্তা পীবা কে এস ঐচ চাওবা ত্রান্সলেসন এৱার্দনা শ্রীকান্ত লাইরিক্কী মণিপুরীদা হন্দোকপা শ্রীকান্ত লাইরিক হন্দোক্লোই অসিগীদমক অইবা টি কুঞ্জেশ্বর য়াইরিপোক্তা লৈবদা অদুগা কে এস ঐচ বিরনা কৎপা মণিপুরগী মপান্দা খুন্দা-লৈতাদুনা লৈখ্রবা মণিপুরগী মপান্দা খুন্দা-লৈতাদুনা লৈখ্রবা মণিপুরী অইবা-অইবীদা পীবা মনা কে এস ঐচ নলিনি সাহিত্য মনানা ‘ইমাদা ইবা চিঠি’ শৈরেং লাইরিক অসিগীদমক লাইরিক অসিগী অইবী খোইস্নাম ওংবী বিরলা ত্রিপুরাদা খুৎশিন্নখি। হায়রিবা মনাশিং অসিদা শেল ওইনা লুপা লিশিং ১০/১০, শকখঙচে অমদি ইন্নাফি অমমমসু য়াওরি।

থৌরম অদুদা সামিতি অসিগী চহীগী ওইনা ফোঙবা চেফোঙ চুমথাংগী ৬৫ শুবা চেফোঙ অমদি কুঞ্জকেশ্বর (মুক্সন) না ইবা ৱারীমচা অউনপোৎসু ফোঙখিবগা লোয়ননা মণিপুরগী শক্নাইরবা অইবা-অইবী কয়ানা শরুক য়াদুনা শৈরৈং শৈদিন্নবা অমসু পাঙথোকখি।

সোর্স: হুইয়েন লানপাউ  

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু