বাংলাদেশতা নিঙোল পিবা ৪৫০ চাক্কৌগদৌরি
ইম্ফাল, ওক্টোবর ২৬: পেত্রোইটিক রাইটার্স ফোরাম (পি এ দব্লিয়ু এফ) মণিপুরনা মণিপুরী কালচারেল কমপ্লেক্স (এম. সি.সি), বাংলাদেশ অমদি মণিপুরী য়ুথ ফোরাম (এম. ৱাই. এফ) বাংলাদেশকা খুৎশম্নরগা হয়েং হিয়াঙ্গৈগী নিনি পানবা নিঙোল চাক্কৌবা নুমিৎ অসিদা বাংলাদেশকী নিঙোল ২০০, পিবা ২৫০ পুন্না মীওই ৪৫০ মণিপুরী কালচারেল কমপ্লেক্সতা চাক্কৌদুনা মণিপুরগী ইয়োংদা শাজবা পোৎলমশিং খুদোল তম্লগনি হায়না পি এ দব্লিয়ু এফনা থাদোরকপা চেরোল অমনা ফোঙদোরক্লি।
চেরোল অসিনা হায়, মণিপুর লৈঙাক্কি পি ঐচ ই দি, কঞ্জ্যুমর এফ্যের্স ফুদ এন্দ পাব্লিক দিষ্ট্রিবুসন মিনিষ্টর এল সুসিন্দ্রোগী স্পোন্সরশিপ মখাদা পাঙথোক্কদৌরিবা নিঙোল চাক্কৌবগী থৌরম অসি মায় পাক্না পাঙথোক্নবগীদমক পি দব্লিয়ু এফকী মীওই ১৮ না শাবা খোংবু অমা ঙসি অয়ুক বাংলাদেশতা থুংখ্রে।
ফোরামগী সেক্রেটারি রাকেস নাওরেম্না লূচিংদুনা চৎখিবা বাংলাদেশ খোংচৎ অদুদা ফোরামগী প্রেসিদেন্ট এন খম্বা, ফোর্মার প্রেসিদেন্ট ডোঃ য়াইস্কুল, ভাইস প্রেসিদেন্ট সোবিতা, গুৱাহাটি ব্রাঞ্চকি সেক্রেটারি রাজু, ত্রিপুরা ব্রাঞ্চকি প্রেসিদেন্ট গুরুময়ুম বিপ্লব শর্মা ফোরামগী লাইফ মেম্বার এ সনাতোম্বনচিংবশিং কয়াসু য়াওরি।
বাংলাদেশকি লৈমায়দা খ্বাইদগী চাওনা অহানবা ওইনা পাঙথোকপা ওইগদৌরিবা নিঙোল চাক্কৌবগী থৌরম অসিদা মিনিষ্টার এল সুসিন্দ্রো অমদি রাজ্য সভাগী এমপি নিংথৌ লৈশেম্বা সনাজাওবা অনিনা মথংশিৎনা চীফ গেষ্ট অমদি স্পিসিয়েল গেষ্ট ওইনা শুরুক য়াগদৌরি। পিপল রিপাব্লিক ওফ বাংলাদেশকি রিটয়ার্দ এডিশনেল সেক্রেটারি শশী কুমার সিংহ অমদি কোংখাম নিলমনি অনিনা গেষ্ট ওফ ওনার ওইনা শরুক য়াগদৌরি।
সোর্স: পান্দম
0 কমেন্ট:
কমেন্ট তৌবিয়ু