image

নেসনেল গেমস মরিনি চনবা নুমিৎতা মণিপুরনা সাইক্লিং অমদি রোৱীংদা গোল্ড মেদেল অহুম লৌখ্রে

ইম্ফাল, অক্টোবর ০২ : গুজরাটনা য়ূম্বু ওইদুনা চত্থরিবা ৩৬ শুবা নেসনেল গেমসকী ঙসি মরিনি চনবা নুমিৎতা মণিপুরনা সাইক্লিং মশান্নদা গোল্ড ২, রোৱীংদা গোল্ড ১ অমদি ব্রোঞ্জ ১ অদুগা ওয়েথলিফটিংদা ব্রোঞ্জ ১ পূন্না মেদেল ৫ ফংবা ঙমখ্রে। মণিপুরনা হৌজিক ফাওবদা গোল্ড ৯, সিলভার ৩ অমদি ব্রোঞ্জ ৭ পূন্না মেদেল ১৯ ফংবা ঙমখ্রে।

ওল্ড দিল্লীগী ইন্দিরা গান্ধী ভেলোদ্রোমদা ঙসি পাঙথোকখিবা সাইক্লিং মশান্নগী নুপাগী ২০০ মিটার ইন্দিভিজ্যুএল স্প্রিন্ট ইভেন্টতা লাইতোঞ্জম রোনাল্ডোনা সেকেন্দ ১০:১৭৬ তা লমথুংফম য়ৌদুনা গোল্ড মেদেল ফংবা ঙমখি। নুপীগি কিলোমিটার ৬গী টিম পর্স্যুইট ইভেন্টতা ষ্টেটকী সাইক্লিষ্ট টি মোনোরোমা, এম সোনালি চনু, কে ঐচ রেজিয়া অমদি আই মতৌলৈবীনা সেকেন্দ ০৫:০২.০৭৭ তা লমথুংফম য়ৌদুনা গোল্ড মেদেল ফংবা ঙমখি।

অমরোমদা, আহমেদবাদকী সবরমতিদা পাঙথোকখিবা রোৱীং মশান্নগী কিলোমিটার ২গী ৱীমেন্স দবলস স্কল ইভেন্টতা থাংজম প্রিয়া অমদি হুইদ্রোম তেন্দেন্থোইনা মিনিট ৭:০০.৯৮ দা লমথুংফম য়ৌদুনা গোল্ড মেদেল ফংবা ঙমখি। মশান্ন অসিগী নুপীগী কোক্সলেস ফোর ইভেন্টতা এম ক্লিয়া, এ মোনিকা, এম মেরিনা অমদি ঐচ রোশনীনা মিনিট ৭:০২.৪ দা লমথুংফম য়ৌদুনা ব্রোঞ্জ মেদেল ফংবা ঙমখি।

ওয়েথলিফটিং মশান্নগী ওইনা ঙশি শান্নখিবা নুপীগী কেজি ৬৪ গী ফাইনেলদা কে রোশিলতানা পূন্না কেজি ১৯৭ থাঙ্গৎতুনা ব্রোঞ্জ মেদেল ফংবা ঙমখি। মহাক্না স্নেটচতা কেজি ৮৭ অদুগা ক্লিন এন্দ জার্গতা কেজি ১১০ থাঙ্গৎপা ঙমখিবনি। কাঙলূপ অসিদা পাঞ্জাবকী জজবির কোর অমদি অন্ধ্রপ্রদেশকী এস পল্লবীনা পূন্না কেজি ২০০ অমদি ১০০ থাঙ্গৎতুনা গোল্ড অমদি সিলভার মেদেল ফংখি। রোল্লর স্পোর্টসকী থাংজ নুমিৎতা পাঙথোকখিবা স্কেটচ বোর্দ ষ্ট্রিট ইভেন্টতা চিংঙাংবম রঞ্জুনা গোল্ড মেদেল অমা ফংবা ঙমখিবনি।
সোর্স: হুইয়েন লানপাউ

অতৈসু পাবীযূ: এস বিদ্যারানীনা ওয়েথলিফটিংদা, রোনাল্ডো অমদি রেজিয়ানা সাইক্লিংদা গোল্ড লৌখ্রে 
অতৈসু পাবীয়ু : য়ু লিগেলাইজ তৌবগী মায়োক্তা খোঙজং : ৩শুবা নুপী লালগী শেম শারে: কাদা

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু