‘ঐখোয়গী ঈশৈ’ লাইরিক ফোঙখ্রে
ইম্ফাল, অক্টোবর ০২ : আর্টিষ্ট ট্রেনিং কাম এদ্যুকেসনল রিসার্চ সেন্টারনা শীন্দুনা অইবা খরগী ঈশৈ ময়েক খোমজিন্দুনা অমদি ঈশৈ নৈনবা অইবা খরগা পুনশিন্দুনা পুথোকপা 'ঐখোয়গী ঈশৈ' হায়না মিংথোনবা লাইরিক অমা হয়িং খোংবাল উফোং য়ুম্ফমদা লৈবা লাইনিংথৌ সনামহী টেম্পল বোর্দকী শঙলেনদা ফোঙখ্রে।
অথোইবা মীথুং ওইখিবা ইম্ফাল ইষ্টকী উপ-অধক্ষ্য ক্ষেত্রি তমানা ফোঙদোকখিবদা, খুন্নাইদা মীওইবগী পূক্নিং ওলহনবা, খুদুম চলহনবা অসি ঈশৈ খক্তনা ওইহনবা ঙম্মী হায়না খল্লি। লোয়ননা মরৈবাক নীংবনচিংবা শৈথা ঈশৈ শক্লকপা মতমদা করিগুম্বা খরদি ইথিল পীবা ঙম্মী হায়নসু মহাক্না ফোঙদোকখি।
ঐখোয়গী ঈশৈ হায়না মিংথোনবা ঈশৈ লাইরিক অদুগী মতাংদনা সোসল সাইন্টিষ্ট ডা. ধনবির লাইশ্রমনা ৱা ঙাংখি। থৌরম অদুদা আর্টিষ্ট ট্রেনিং কাম এদ্যুকেসনেল রিসার্চ সেন্টারগী প্রেসিদেন্ট সোবিতা সৌবামনা থৌরম মপু অমদি সনামহী টেম্পল বোর্দকী মেম্বর নামোইজম তোম্বনা অথোইবা মীথুং ওইখি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু