আপডেট:
image

নিংতম কাং টুর্ণামেন্ট-২০২৩ হৌদোকখ্রে

কমলগঞ্জ, ৬ জানুয়ারি : মৈতৈ য়েলহৌঙৈদগী শান্নবা কাং মশান্না অসিবু য়োকখৎপা অমসুং শন্দোকপগী পান্দমদা চহি খুদিংগী পাঙথোকপাগুম হন্দকসু বাংলাদেশ মণিপুরী কাং ফেডারেশন্না শিলাংদুনা ভানুগাছকী আদমপুর বাজারগী নয়াপত্তনদা লৈবা কাংশংদা নিংতম কাং টুর্ণামেন্ট ২০২৩ হৌদোকখ্রে।

হৌদোকখিবগী থৌরমদা অথোইবা মীথুংলেন ওইনা কমলগঞ্জ পৌরসভাগী মেয়র মোঃ জুয়েল আহমদ লোয়ননা অহেনবা মীথুংলেন ওইনা আলীনগর ইউপিগী চেয়ারম্যান নিয়াজ মুর্শেদ রাজু অমসুং বাংলাদেশ মণিপুরী কাং ফেডারেশনগী এডভাইজর এক্স ইউপি মেম্বার মনীন্দ্র কুমার সিংহ শরুক য়াখি। থৌরম অসিদা বাংলাদেশ মণিপুরী কাং ফেডারেশনগী প্রেসিদেন্ট ইবুংহাল শ্যামলনা ময়াইতাংবলদা লৌবিরগা ফেডারেশন অসিগী অর্গানাইজেশন সেক্রেটারি অৱাংতাবম সমরেন্দ্রনা কন্ডাক্ট মখাদা হৌদোকপগী থৌরম অমসুং গেস্ট ময়ামনা ৱা ঙাংবিখি।

হন্দক্কি টুর্ণামেন্ট অসিদা মণিপুরদগী গোপালদেব কাংখুৎ য়াওনা নুপাগী টিম ৮ অমসুং নুপীগী টিম ৫ শান্নরগনি। ঙশি হৌদোকখিবা অহানবা শান্নবদা চৎখিবা চহি ২০২২ গী চ্যাম্পিয়ন কাংলাশা কাংখুৎ, বাংলাদেশ অমসুং ইয়ুথ ক্লাব নয়াপত্তনগা শান্নখি।

হৌদোকপগী থৌরম অসিদা অতৈসু শরুক য়াখি হন্দক্কি নিংতম কাং টুর্ণামেন্ট শান্নরিবা কমিটিগী কনভেনার নবকুমার সিংহ, মেম্বার সেক্রেটারী নোংমাইথেম অশোক, ফেডারেশনগী জেনারেল সেক্রেটারি নারেংবম সমরজিত সিংহ য়াওনা অতৈ অতৈ মেম্বার য়াওনা মীওই কয়া শরুক য়াখি।

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু