image

উকলগা লোয়ননা ত্রিপুরাগী লাইফম ৩দা লাই হরাওগদৌরি

ইম্ফাল, জানুয়ারি ০৭ : মৈতৈশিংগী পুন্সি মহিং, নাৎ-চৎনবীগী ময়োল ওইরিবা উমংলাই হরাওবগী থৌরম লমদম অসিদা নত্তনা মণিপুরগী মপান্দা মৈতৈশিংনা খুন্দারিবা মফমশিংদসু হেন্না হেন্না পাক শন্না পাঙথোক্নরক্লি। ঙসিদগী চহী খরগী মমাঙদগী ত্রিপুরাদা খুন্দারিবা মৈতৈশিংগী মফমদদি লাই হরাওবা হায়বসি শুপ্নগী ৱারী খক্তং ওইনা লৈরম্মী।

অদুবু উকলনা মীয়ামগী মতেংগা লোয়ননা আগরতলাগী অভয়নগরদা লৈবা ইপুথৌ পুথিবা অসি লেপ্তনা হরাওরকপদগী ঙসিদি ত্রিপুরাদা লাই হরাওবা অসি পাক শন্না খঙনরকপগা লোয়ননা মৈতৈনা খুন্দাবা ত্রিপুরাগী খুল কয়াদা লাই হরাওনবা হোৎনরক্লে হায়না উমংলাই কনবা অপূনবা লূপ (উকল) গী সেক্রেটারি পাব্লিসিটি টি ঐচ রতনকুমারনা থাদোরকপা চেরোল অমনা ফোঙদোরক্লি।

অভয়নগরগী ইপুথৌ পুথিবা, মোৎচুম্লিগী ইপুথৌ পাখংবা অমসুং কমলপুরগী নোংপোক পান্থোইবীনচিংবশিং উকলগা লোয়ননা হন্দক চহী অসিদা হরাওগদৌরি। মসিগীদমক উকলনা লুচিংবা অমাইবা, পেনা অশৈবা অমসুং অমাইবী পুন্না মীওই ৫২ না শাবা টিম অমনা থা অসিগী লাক্লিবা জানুয়ারি ৯, নিংথৌকাবা নুমীৎতগী ত্রিপুরাগীদমক ইম্ফাল থাদোক্লগনি।
খোঙবু অসিনা শুপ্নগী লাই হরাওবগী থৌরম খক পাঙথোকপদা নত্তনা ত্রিপুরাদা খুন্দারিবা মৈতৈশিংগী পুন্সি মহিং, শেম্মীৎলোন, নাৎ-চৎনবী, মহৈ-মশিন তম্বা অমসুং মৈতৈগী শক্তম ঙাক্না হিংবগী মতাংদা পাক শন্না নৈনদুনা ফগৎনবা মৈতৈ খুল কয়াদা কোয়না চৎকনি হায়রি।

মৈতৈশিংনা ফুরুপকি শক্তম ঙাক্না হিংনবা হোৎনবদা লাই হরাওবা হায়বসি অসুক্কী মতিক মরু ওইরি। মতম অমদা ত্রিপুরাদা লাই হরাওবগী হৌরকপদা মফমদুগী মৈতৈশিংনা শারি, পায়জামা শেৎতুনা শরুক য়ারম্বা অদু ঙসিদি লাই হরাওগনি তাবগা নাৎকী অমদি চৎনবীগী ওইনা ফিজেৎ-লৈতেং, হৈকৎ-লৈকৎ, জগোয়-ঈশৈনচিংবা থিনরক্লি।

হান্না মণিপুরদগী লাই হরাওবদা উৎনবা জগোয়গী টিম পুদুনা চৎনরম্বা অদু তোক্লগা ত্রিপুরাদা লৈরিবা মৈতৈশিংবু জগোয় মখল মখা কয়া তম্বীদুনা লাই হরাওবদা উৎনবা হেৎনদুনা মমাঙ চহীগী দিসেম্বর থা হৌগৎলকপদা উকলনা জগোয়গী ওজা অনী থাজিন্দুনা নুপা-নুপী, মৌ, লৈশাবী অমদি অঙাং কয়া জগোয় তম্বীরি। পুম্নমক অসিগী মরুওইবা পান্দমদি মপান্দা খুন্দারিবা মৈতৈশিংনা মশাগী নাৎ, চৎনবী অমসু ফুরুপকী শক্তম ঙাক্তুনা হিংহন্নবা হোৎনবনি হায়খি।

সোর্স: হুইয়েন লানপাউ

* Cover Photo 
Photographer: Manju Elangbam
Photo source: Sahapedia image gallery curated by Dr. Rekha Konsam  

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু