ত্রিপুরাদা ৩২শুবা ‘মণিপুরী ল্যাঙ্গুয়েজ ডে’ পাঙথোকখ্রে
আগরতলা, আগস্ট ২৩ : ইরোলনা ইমানি ইয়েক্না ইপানি, অনীমকপু মীরাইবা য়াদে হায়বা পান্দম অসিদা ত্রিপুরাদসু মরু ওইনা খোয়াই অমসুং গোলাঘাটি মৈতৈ খুঙ্গংদা ৩২ শুবা মণিপুরী ল্যাঙ্গেুয়েজ ডে মপুং ফানা পাঙথোকখ্রে। গোলাঘাটিদা মণিপুরী ল্যাঙ্গুয়েজ এ্যন্ড কালচারেল ফোরাম অমসুং তখেল লৈমা তেংবাং লুপ অনীনা শীন্দুনা পাঙথোকখিবা থৌরম অদু লমদম অদুগী শক্নাইরবা সোসেল এক্টিভিষ্ট ৱাই রসিক সিংহনা থৌরম মপু অদুগা আগরতলাদগী মরূপ পাউচেগী জয়েন্ট ইডিটর আরকে তরুণজিৎনা চীফ গেষ্ট ওইখি। থৌরমদা ফোরামগী সেক্রেটারী খোইস্নাম মঙ্গল অমসুং সাপম গৌরনিতাইনা গেষ্ট অব অনার ওইখি। তেংবাং লুপকী মাইকৈদগী সেক্রেটারী খোইস্নাম বিরলাসু ৱা ঙাংখি।
গোলাঘাটিদা মণিপুরী ল্যাঙ্গুয়েজ এ্যন্ড কালচারেল ফোরাম অমসুং তখেল লৈমা তেংবাং লুপ অনীনা শীন্দুনা পাঙথোকখিবা থৌরমগী মতাং অমা
খোয়াই জিলাগী টাউন হোলদসু মণিপুরী লিটরেরী এ্যন্ড কালচারেল ফোরাম, মৈরা পায়বী লুপ অমসুং খোয়াই মণিপুরী অপুন্বা লুপ অহুমনা শীন্দুনা লোলগী নুমিৎ পাঙথোকপগা লোয়ননা মণিপুরদা তংদু লৈতাবা ফীভমদা হঞ্জিল্লক্নবগী শান্তিগী খোঙচৎ অমসু থোকখি। হৌজিক ফাওবা ত্রিপুরাদা মসিনা খ্বাইদগী মশীং য়াম্না শরুক য়াখিবা শান্তিগী খোঙচৎ অমা ওইখি।
মণিপুরদা তংদু লৈতাবা ফীভমদা হঞ্জিল্লক্নবগী শান্তিগী খোঙচৎ
মণিপুরী ল্যাঙ্গুয়েজ ডে নুমিৎ অসি অৱাং জিলাগী জলাবাসা খুঙ্গংদসু পাঙথোকখি। বামুটিয়াদসু ককবরক এ্যন্ড ও.এম.এলনা শীন্দুনা অহানবা ওইনা নুমিৎ অসি পালন তৌখি। নুমিৎ অসিগা মরী লৈননা হরাও কুম্মৈগী কালচারেল প্রোগ্রামসু পাঙথোকখি।
সোর্স: মরূপ
0 কমেন্ট:
কমেন্ট তৌবিয়ু