আপডেট:
image

গুরু থিংবাইজম বাবু সিংহ পদ্মশ্রীগী ১৪ শুবা ডেথ এনিভার্সরি থৌরমগা মরী লৈননা লৈখিদ্রবগী মীতম হাংদোকখ্রে

ইম্ফাল, নভেম্বর ২৯ : গুরু থিংবাইজম বাবু সিংহ পদ্মশ্রীগী ১৪ শুবা ডেথ এনিবর্সরি থৌরমগা মরী লৈননা লৈখিদ্রবগী মীতম অমা ঙসি মণিপুর জগোয় মরুপ কমপ্লেক্সতা হাংদোকখ্রে। মণিপুর জগোয় মরুপনা শীন্দুনা পাঙথোকখিবা থৌরমদুদা উরিপোক এসিগী এম এল এ কে ঐচ রঘুমনিনা চীফ গেস্ত, পদ্মশ্রী অরিবম শ্যাম শর্ম্মা অমদি জে এন দান্স একাদেমিগী দিরেক্তর ইন চার্জ, পি বিলাসনা মথং শিৎনা গেস্ত ওফ ওনার অমদি প্রেসিদেন্ট ওইনা শরুক য়াখি।

জগোয় ঈশৈনা মপুংওইবা থৌরমদুদা এম এল এ কে ঐচ রঘুমনিনা হায়খি, জাতি অমগী মশক তাক্লিবা অসি কালচারনি। মালেমদা ফাওরবা আর্ত ফোর্ম মণিপুরগী জগোই অমদি স্পোর্তস অনী অসিনা মশক তাক্লি। কালচারগী শক্নাইরবা গুরু থিংবাইজম বাবু সিংহ পদ্মশ্রীবু নীংশিংদুনা মীতম অমা হাংদোকপা অসি য়াম্না অফবা অমনি। ওজা গুরুশিং নীংশিংবা, মখোয়গী তুং ইনজদুনা মণিপুরী জগোয় মশক হেন্না তাক্নবা লৈহৌরিবশিংনা কন্না হোৎনবীয়ু।  মহাক্কী মায়কৈদগী পাংবা য়াবা মতেঙ পাংদুনা গুরুশিংগী মফমদা করিগুম্বা খরা মথং চহীগী মার্চ থাদা কৎচগে। কালচার হেন্না চাওখৎনবা হোৎনরিবা লূপশিংদা লৈঙাক্কী মরী লৈনবশিংনা থাদরিবা শেনফম য়াম্না পীক্লিবসিসু মরী লৈনবদা হায়দুনা হেনগৎনবা হোৎনগে।

ফিল্ম মেকার অরিবম শ্যাম শর্ম্মানা হায়, মণিপুরগী জগোয় ঈশৈদা অঙকপা কোয়ালিটি লৈবা কালচারবু য়াম্না নুংশিজবা গুরু বাবুনি। মণিপুরগী তাঙলবা জগোই ঈশৈগা মরী লৈনবশিং ডকুমেন্টরি ওইনা নমদুনা থমহৌনবা কালেকশন তৌজবদা গুরু বাবুনা চাউনা মতেঙ পাংবীরমখি। মহাক তুংদা হৌরক্কদবা নহারোলশিংগীদমক খল্লম্বা মীশক অমনি।

ঙসিগী থৌরমদুদা পি বিলাসনা হায়খি, লৈখিদ্রবা গুরু থিবাইজম বাবু অসি মণিপুর সোলো ডান্সপু চাওখৎনবা হোৎনবদা অচৌবা থৌদাং লৌরম্বা গুরুনি। লৈখিদ্রবা ওজা অসি য়াম্না ইং তপ্পি। মহাক্কা চহী ২১ লোইনহৌবগী তাঞ্জা ফংহৌবা অসিমক য়াম্না লাইবক ফবনি। লম অসিদা খঙ-হৈরবা গুরু অমা ওইরবসু মতম খুদীংদা মরু লুক্না চৎপা ওজা অমনি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: