কবি শীতলজিৎ রাজকুমারগী পুন্সি অমসুং থবক হায়বা হিরমদা নৈনখ্রে
আগরতলা, জুন ১১ : সন্ত কবি শীতলজিৎ রাজকুমারগী চহী ১৮ শুবা নোংগা কুমওন শ্রদ্ধাঞ্জলি কৎপগা লোয়ননা মণিপুরী সাহিত্য পরিষদ, ত্রিপুরা অমসুং শীতলজিৎ নীংশিং সেবা সমিতি, ইম্ফাল অনীনা শীন্দুনা 'লাইফ এ্যন্ড ৱার্কস অব আর কে শীতলজিৎ সিংহ' হায়বা হিরমদা নোংমগী ওইবা সিম্পোজিয়ম অমসু পাঙথোকখ্রে।
কবি শীতলজিৎ রাজকুমার
জুন ৮ নুংথিল কবি শীতলজিৎ রাজকুমারগী ফটোদা হৈকৎ লৈকৎ তমখি। মথং নুমিৎ নজরুল সাহিত্য একাডেমি অডিটোরিয়মদা পরিষদকী প্রেসিডেন্ট এল বীরমঙ্গলনা চেয়ার লৌরগা পাঙথোকখিবা সিম্পোজিয়ামদা সেবা সমিতি ইম্ফালগী সেক্রেটারী দুসরী গোপাল, সাহিত্য একাডেমি এৱার্ডি অনী য়ুমলেম্বম ইবোমচা, শরতচান্দ থিয়াম, শক্নাইরবী অইবী রাজকুমারী যোজিতা অমসুং পরিষদ কী ভাইস প্রেসিডেন্ট থৌদাম নীলকুমার, ৱাংখেম বীরমঙ্গলনা তোঙান তোঙান্না পেপার পাথোকখি।
নুংথিলদা 'সমকালীন মণিপুরি গল্প' হায়বা অইবা এল বীরমঙ্গলগী বাংলা লোলদা হন্দোকপা ৱারী মচাগী লাইরিক ফোঙবগী থৌরম অমসু পাঙথোকখি। থৌরম অদু একাডেমি এৱার্ডি যুম্লেম্বম ইবোমচানা চীফ গেষ্ট ওইখি। আই.সি.এগী পোত্থারবা এসিঃ ডিরেক্টর এল কুমারনা চেয়ার লৌদুনা পাঙথোকখিবা থৌরম অদুদা সাহিত্য একাডেমি এৱার্ডি শরতচান্দ থিয়ামনা গেষ্ট অব অনার ওইখি অদুগা নিকোল গী ডিরেক্টর ড. নির্মল দাসনা লাইরিক অদু নৈনখি। থৌরমগী অরোইবদা একাডেমি এৱার্ডি ইবোমচানা চেয়ার লৌদুনা শৈরেং শৈদিন্নবগী থৌরম অমসু পাঙথোকখি।
সোর্স - মরূপ
0 কমেন্ট:
কমেন্ট তৌবিয়ু