ৱেস্তর্ন কলচরেলগী 'পরশুরাম' না বেস্ত প্রদক্সন তাখ্রে
ইম্ফাল, জুন ৪: মণিপুর স্তেত কলা একাদেমি, ইম্ফালদা শীন্দুনা চথরিবা ৫২শুবা ওল মণিপুর শুমাঙ লীলা ফেস্তিবেলগী নুপী কাঙলুপকী লীলাগী অথোয়-অহেন চাংদম্নবগী ফল লাউথোকখ্রে। ৱেন্তর্ন কলচরেল এসোসিএসনগী 'পরশুরাম' না বেস্ত প্রদক্সন তাখিবগা লোয়ননা বেস্ত দিরেক্তর, বেস্ত এক্তর (মেল) গী মনা য়াওনা তোঙান-তোঙানবা মনা কয়া ফংখ্রে।
মমাঙ থাগী ২৭ হৌরগা থা অসিগী ৩ ফাওবা পূন্না নুপী লীলা কাঙলূপ ১৪ না শরুক য়াদুনা চত্থখিবা নুপী কাঙলুপকী লীলা চাংদম্নবগী রিজল্ত অসি মণিপুর স্তেত কলা একাদেমি, ইম্ফালগী মায়কৈদগী ঙসি লাউথোরকখিবনি।
রিজল্ত অসিগী মতুৎ ইন্না, সেকেন্দ বেস্ত প্রদক্সন্না ৱুমেন কলচরেল সেন্তরগী 'ইঙাগী পূর্ণিমা' অমদি মালোম পান্থোইবী আর্তিস্ত এসোসিএসনগী 'হেরাচন্দ্র' অনী পূন্না তামিন্নখ্রে। থার্দ বেস্ত প্রদক্সন্না য়াংঙম লৈরক নুপী লীলা এসোসিএসনগী 'লুৱাং-ঈ' না তাখ্রে।
বেস্ত এক্তর (মেল) না ৱেস্তর্ন কলচরেল এসোসিএসনগী 'পরশুরাম' দা পরশুরামগী রোল লৌখিবী কে এস ঐচ সুম্মা অদুগা সেকেন্দ বেস্ত এক্তর (মেল) না মালোম পান্থোইবী আর্তিন্ত এসোসিএসনগী 'হেরাচন্দ্র' দা হেরাচন্দ্রগী রোল লৌখিবী এল মনিহনবীনা তারে। বেস্ত এক্তর (ফিমেল) না ৱুমেন ফোর কলচরেল সেন্তরগী 'ইঙাগী পূর্ণিমা' দা রাধাগী রোল লৌখিবী সুরন্দা সাপম অদুগা সেকেন্দ বেস্ত এত্তর (ফিমেল) না ৱেস্তর্ন কলচরেল এসোসিএসনগী 'পরশুরাম' দা মেনকাগী রোল লৌখিবী চি ঐচ লিলাবতিনা তাখি।
বেস্ত সপ্পোর্তিং এক্তর (মেল) না য়াংঙম লৈরকনুপী লীলা এসোসিএসনগী 'লুৱাং-ঈ' দা খাবা নিংথৌগী রোল লৌখিবী ৱাই বিনারানী অদুগা সেকেন্দ বেস্ত সপ্পোর্তিং এক্তর (মেল) না ৱেস্তর্ন কলচরেল এসোসিএসনগী 'পরশুরাম' দা মুণি জামদগীনিগী রোল লৌখিবী তিঐচ মঞ্জিতানা তাখি।
বেস্ত সস্পোর্তিং এক্তর (ফিমেল) না ৱেস্তর্ন কলচরেল এসোসিএসনগী 'পরশুরাম' দা রাণিগী রোল লৌখিবী পি পূর্নেশ্বরী অদুগা সেকেন্দ বেস্ত সম্পোর্তিং এক্তর (ফিমেল) না চনুরা যাত্রা কম দ্রামা এসোসিএসনগী 'পুরেম্বগী অরোয়বা য়াহিপ' তা শলাং লৈমগী রোল লৌখিবী ইরেংবম সুন্দরি দেবীনা তাখি। বেস্ত এক্তর (কোমিক রোল) না ওল মণিপুর ৱুমেন আর্তিস্ত এসোসিএসনগী 'থোইবীনা লোই কাবা' হায়রিবা লীলা অসিদা শৌরাগী রোল লৌখিবী রাফ্লেসিয়া ৱাইরোকপম অমদি সেকেন্দ বেস্ত এক্তর (কোমিক রোল) না ৱেস্তর্ন কলচরেল এসোসিএসনগী 'পরশুরাম' দা সেনাপতিগী রোল লৌখিবী এল থম্বালনা তাখি। বেস্ত চাইল্ড আর্তিস্তনা মৈতৈ লৈমরোল আর্ত পর্ফোরমিং সেন্তরগী 'পিদোন্নু' দা পিদোন্নুনা অঙাং ওইরিঙৈগী রোল লৌখিবী থোকচোম তানিয়ানা তারে।
বেস্ত স্কৃপ্তনা ৱেস্তর্ন কলচরেল এসোসিএসনগী 'পরশুরাম' গী অইবা রঞ্জিৎ নিংথৌজা অদুগা সেকেন্দ বেস্ত স্কৃপ্তনা সিব যাত্রা কম দ্রামা এসোসিএসনগী 'লংমাই নিংঙোল পেতংঙা' গী অইবা নাওরেম ইবোহলনা তারে। বেস্ত দিরেক্তরনা ৱেস্তর্ন কলচরেল এসোসিএসনগী 'পরশুরাম' হায়রিবা লীলা অসিগী দিরেক্সন পীখিবা লাইশ্রম ইবোয়াইমা খুমন অদুগা সেকেন্দ বেস্ত দিরেক্তরনা ৱুমেন দান্স এন্দ দ্রামাতিক য়ুনিয়নগী 'লিক্লাং পরেং' লীলাগী দিরেক্সন পীখিবী লমাবম প্রেমিলা লৈমনা তাখ্রে। বেস্ত দিসিপ্লিনগী মনানা ৱুমেন দান্স এন্দ দ্রামাতিক যুনিয়নগী 'লিক্লাং পরেং' না ফংখ্রে।
সোর্স : পোক্নফম
0 কমেন্ট:
কমেন্ট তৌবিয়ু