কবি নোংশাতাবম নিরঞ্জন দত্তদা লাইফটাইম এচিভমেন্ট এৱার্ড
আগরতলা, আগষ্ট ০৩ : মরূপ পাউচেনা শীন্দুনা লাক্লিবা আগষ্ট তাং ৮ থাংজা নুমিৎ নুংথিল পুং ৫ তাবা মতমদা আগরতলা প্রেস ক্লাবতা লৈখিদ্রবা স্নাখ্যা রাজকুমার কমলজিৎ সিংহগী চহী ১০২ শুবা মপোক কুমওনগা মরী লৈননা শ্রদ্ধাঞ্জলি কৎপগী থৌরম অমা পাঙথোক্কদৌরি। লোয়ননা চহীগী পীবা অনীশুবা 'আর কে কমলজিৎ সিংহ লাইফটাইম এচিমেন্ট এৱার্ড লান্থোক্কনি।
হন্দক চহী লমদম অসিগী শক্নাইরবা সমাজ সেবক কবি নোংশাতাবম নিরঞ্জন দত্তদা এৱার্ড অসি খুৎশিন্নগনি হায়রি। এৱার্ড অসিদা সাইটেশন, সাল অমদি কেশ এৱার্ড অমসুং খুদোল পোৎ য়াওরি হায়রি। থৌরম অদুদা মরূপ পাউচেগী ইডিটর ওইরম্বা সিনিয়র জর্নালিষ্ট আর কে কল্যানজিৎ সিংহনা থৌরম মপু ওইরগা মীথুংলেন ওইনা মণিপুরী সাহিত্য পরিষদ, ত্রিপুরাগী প্রেসিডেন্ট এল বীরমঙ্গল, সোসেল এক্টিভিষ্ট য়ুংখাম রসিক সিংহ অমসুং সাহিত্য একাডেমি নিউ দিল্লী, মণিপুরী ল্যাঙ্গুয়েজ বোর্ডকী মেম্বর খোইস্নাম ওংবী বীরলানা মীথুংলেন ওইনা শরুক য়াগনি হায়রি। থৌরমগী অরোইবদা মরী লৈননা শৈরেং শৈদিন্নবা থৌরম অমসু পাঙথোক্কনি হায়রি। পনবা য়াবদি এৱার্ড অসি ইং ২০২৫ দা অহানবা ওইনা ফংখিবসি ঢাকাবাড়ীগী সংস্কৃতিসেবী লৈখিদ্রবা মায়থাম নির্মল সিংহনি।
সোর্স : মরূপ
0 কমেন্ট:
কমেন্ট তৌবিয়ু