কনাদা অমদি আমেরিকাদা লৈরিবা মৈতৈশিংনা মণিপুরদা শান্তি হঞ্জিল্লক্নবগী মতাংদা কুপ্না খন্নখ্রে
ইম্ফাল, নভেম্বর ২৯ : মণিপুরী এসোসিয়েসন ওফ কনাদা (এমএসি) অমসুং এসোসিয়েসন ওফ মৈতৈজ ইন দি আমেরিকা (এএমএ) অনিনা পুন্না শিন্দুনা মণিপুরদা হৌজিক থোক্লিবা ইরাং অসিগা মরি লৈননা নভেম্বরগী ২৫ দা কনাদাগী ওন্তারিওদা লৈবা সেন্টার ফোর কোলাবোরেটিব এদুকেসন, ওশৱাদা য়ুরোপ, য়ুএসএ, সিঙ্গোপোর, সাউথ কোরিয়া, দুবাই অমদি ইন্দিয়াগী তোঙান তোঙানবা ষ্টেটশিংদা লৈরিবা মৈতৈশিং শরুক য়াবা `গ্লোবেল মৈতৈ য়ুনিটি সম্মিট' হায়বা মীফম অমা পাঙথোক্তুনা কুপ্না খন্নখ্রে হায়রি।
এমএসিনা থাদোরকপা চেরোল অমনা হায়, মীফম অদুদা জেএনয়ুগী এসোসিয়েট প্রোফেসর ডাক্তর অঙোমচা বিমোল অকোইজম, ইনকাম টেক্সকী কম্মিসনার বনিতা দেবী নাওরেম, মণিপুর চেম্বার্স ওফ কম্মার্স এন্দ ইন্দাষ্ট্রিগী সেক্রেটারি অনিল হাওরোকচম, দাক্তর রাজশ্রী কৈশামনা মরু ওইবা ৱাঙাঙলোই ওইখি।
এক্সপার্ট কয়ানা শরুক য়াদুনা পাঙথোকখিবা অহানবা গ্লোবেল মৈতৈ য়ুনিটি সম্মিট অদু সলাই তরেৎকী ফিরাল চিংখৎতুনা হৌদোকপগা লোয়ননা মে অহুমদগী মণিপুরদা থোক্লিবা ইরাং অসিদা মণিপুরগী অপুনবগী শক্তম ঙাক্নবা হোৎনবদা থৱায়না পোন্থা পীখ্রবা অথৌবা অমসুং অথৌবীশিংগী মফমদা ইকায় খুম্নবা উৎখি।
0 কমেন্ট:
কমেন্ট তৌবিয়ু