আপডেট:
image

ইম্ফাল লিটরেচর ফেষ্টিভেল পাঙথোক্লগনি

ইম্ফাল, ডিসেম্বর ২৪ (এইচ এন এস): চহী খুদিংগী সাহিত্য থৌপাং লুপ (সাথৌলুপ) না শিন্দুনা পাঙথোকপা ইম্ফাল লিটরেচর ফেষ্টিভেল থা অসিগী ২৮ নিংথৌকাবা নুমীৎকী নুংথিল পুং ১২.৩০ তাবা মতমদা মণিপুর প্রেস ক্লবকী অদিটোরিয়ামদা পাঙথোক্লগনি হায়না সাহিত্য থৌপাংলুপকী সেক্রেটারী এম. উত্তমকুমারনা থাদোরকপা চেরোল অমনা ফোঙদোরক্লি। পাঙথোক্কদৌরিবা ফেষ্টিভেল অসিদা তোঙান-তোঙানবা থৌরম কয়া অমসু পাঙথোক্কদৌরি।

নহা ওইরিবা অইবা ৱাইখোম অমুচৌনা ইবা শৈরেংগী লাইরিক ‘অতিয়াগী থৱায়’ ফোঙগনি। য়ুব পুরস্কার এৱার্দি ফঙখ্রবা তোংব্রম অমরজিৎনা ‘কোভিদ অমসুং সাহিত্য’ হায়বসিদা ৱাফম থমগনি। মরুওইনা মালেমগী লায়না-লাইচৎ অমা ওইনা মীপাইনরিবা কোভিদ-১৯ গী অকিবা মরক অসিদা সাহিত্যগা মরী লৈনবা থবক থৌরম কয়া মালেমগী থাক্তা পাঙথোক্লিবা অসিগী মরিক চুম্বা ৱারোলসু অমরজিৎনা মীয়ামদা ফোঙদোক্কনি। থৌরমগী অরোইবদা অখন্নবা (খনগৎলবা) অইবা ১৫না মশা-মশানা ইবা শৈরেংশিং পাথোক্কনি। অসিগুম্বা থৌরম অসিদা মণিপুর লেজিসলেটিভ এসেমব্লিগী সেক্রেটারি মুতুম রমনিনা চীফ গেষ্ট, মণিপুরী এদভাইজরি বোর্দ, সাহিত্য একাডেমিগী কনভেনর নোংমাইথেম কিরনকুমারনা গেষ্ট ওফ ওনর অমসুং লন্ডনদা লৈবা কিংষ্টন য়ুনিভার্সিটিদা রিসর্চ স্কোলর ওইনা লৈরিবা তৈয়ীবুর রহমাননা প্রেসিদেন্ট ওইগনি।

 

সাথৌলুপনা শিন্দুনা পাঙথোক্লিবা ফেষ্টিভেল অসিদা য়ুএসএ, জপান অমদি বংলাদেশনচিংবা লৈবাক্তগী মমিং লৈরবা অইবা মমাংদা শরুক য়াখ্রে। মণিপুরী পোইট্রিগী মরমদসু য়ুএসএ দগী ফোঙনবা হোৎনরি। বাংলাদেশতগী লাকখিবা কবি সনাতন হামোম্না মণিপুরবু উরগা থম্মোয়দা ফাওরকপশিংবু খোমজিল্লগা ‘থম্মোয়নুংগী মণিপুর’ কৌবা লমকোয় ৱারীগী লাইরিক অমসু মণিপুরীদা ফোঙগনি। মমাংগী কুমজা ২০১৯ দা পাঙথোকখিবা ফেষ্টিভেলদা বাংলাদেশতগী লাকখিবা মমিং লৈরবা অইবা আবিদ ফয়সলনা মরমদম বাংলাদেশতা হনখ্রবা মতুংদা মণিপুরগী ফজববু উরবা মতুংদা বেঙ্গলী লোলদা ‘মণিপুর অল্পদূর’ (মণিপুর য়াম্ন লাপ্তে) হায়না মিংথোনবা লমকোয় ৱারীগী লাইরিক অমসু নভেম্বর ২০দা বাংলাদেশতা ফোঙখ্রে। হায়রিবা লাইরিক অসি পারুবদগী বাংলাদেশকী বেঙ্গলিশিংনা মণিপুর চৎনিংবগী অপাম্বা য়াম্না হেনগৎলে হায়রি।

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: