নেশনেলগী থাক্তা মণিপুরী লোলগী নুমিৎ ত্রিপুরা লৈঙাক্নসু পাঙথোক্কদৌরি
আগরতলা, আগষ্ট ১৬ : ইংকুমজা ১৯৯২ দা মণিপুরী লোলনা ভারত সংবিধানগী ৮শুবা সেদুল্ডা চনখিবা আগষ্ট ২০ নুমিৎসি মণিপুর, আসাম, মেঘালয়, দিল্লী, ব্যাঙ্গালুর নচিংবা ষ্টেটশিংদা পাঙথোকপগুম ত্রিপুরাদসু পাঙথোক্লি।
ইং ১৯৯৩ দা ত্রিপুরাদা ইহান হানবা ওইনা মণিপুরী ল্যাঙ্গুয়েজ ডেভেলপমেন্ট সোসাইটি (মালাদেশ) না আগষ্ট ২০ নুমিৎ অসি 'মণিপুরী লোলগী নুমিৎ' হায়না পালন তৌবা হৌখি। মথংদা অতৈ লুপ সংস্থা শিংনা নুমিৎ অসি হরাও নুংঙাই ফোঙদোকপা ওইনা মখল কয়াগী কলচরেল প্রোগ্রাম কয়া য়াওনা পালন তৌদুনা লাক্লি। ইং ২০২৩ দগী ত্রিপুরা লৈঙাক্কী শিক্ষা দপ্তরগী মখাদা লৈবা ককবরক এ্যন্ড আডার মাইনোরিটি ল্যাঙ্গুয়েজ লোয়শঙনসু লোলগী নুমিৎ পালন তৌদুনা লাক্লি।
হন্দক্কী ৩৫শুবা 'মণিপুরী ল্যাঙ্গুয়েজ ডে' থৌরমদা ত্রিপুরাগী মুখ্যমন্ত্রী ড. মানিক সাহা অমসুং মণিপুরগী আর্ট এ্যন্ড কলচরগী মন্ত্রি খুরাইজম লোকেন সিংহ শরুক য়াগনি হায়রি। মণিপুরী স্কুলদা তন্বী তাকপীখিবা পোত্থারবা মণিপুরী নোইং টিচার গুরুময়ুম নিতাই শর্মা, লিটরেচরদা গুরুময়ুম নিঙোল সুরধনি শর্মা, ফোক কলচরদা এস জীবন সেন (মীখু) অমসুং নট সংকীর্ত্তন ঈশৈদা সালাম ব্রজেন্দ্র (নন্দো) দা এৱাৰ্ড পীবা হায়না লেপ্নখ্রে হায়রি ।
থৌরমদা মখল কয়াগী আইটেম য়াওবা কালচারেল প্রোগ্রামসু পাঙথোক্কনি হায়রি।
সোর্স : মরূপ
0 কমেন্ট:
কমেন্ট তৌবিয়ু