আর কে কমলজিৎকী বার্থ সেন্তিনেরিগী থৌরম লোইশিনখ্রে
আগরতলা, আগস্ত ৮ : মাইথোঙ য়াম্বা ত্রিপুরাগী সনখ্যা রাজকুমার কমলজিৎ কুম্বা মীশক অমা মণিপুরীশিংনা ফংজরম্বসি য়াম্না চাউথোক্নিংঙাইনি। মহাকপু নীঙশিংদুনা তুংগী হৌরক্লিবা মীরোলদা অনৌবা থৌনা অমা পীবা হায়বসি য়াম্না তঙাইফদ্রবনি হায়না সাহিত্য একাদেমি এৱার্দি সরতচান্দ থিয়াম্না ফোঙদোকখ্রে।
ৱাফম অসি মরুপ পাউচে অমসুং মণিপুরী সাহিত্য পরিষদ হৌদোকপীরম্বা তখেন ত্রিপুরাগী শক্নাইরবা সমাজ সেবক সনখ্যা রাজকুমার কমলজিৎ সিংহগী চহী অমা চুপ্না চত্থরকপা বার্থ সেন্তিনেরিগী লোইশিনবগী থৌরম ঙসি আগস্ত ৮ আগরতলা প্রেস ক্লবতা পাঙথোকখিবা থৌরমদা ফোঙদোকখিবনি।
মরুপ পাউচে অমসুং সাহিত্য পরিষদ অনীনা শীন্দুনা পাঙথোকখিবা থৌরম অদু ইস্কোন মণিপুর দিবেলপমেন্ত কাউন্সিলগী জি এস, দুশারী গোপালনা মৈরা চুখক্তুনা হৌদোকপীখি। সাহিত্য একাদেমি এৱার্দি সরতচান্দ থিয়ামনা থৌরম অদুগী চীফ গেস্ত ওইখি। পরিষদকী প্রেসিদেন্ত এল বিরমঙ্গলনা থৌরম মপু ওইরগা মরুপ পাউচেগী এদিতর আর কে তরুনজিৎ অমসুং স্কোলর দব্লিউ বিরমঙ্গোলনা গেস্ত ওব ওনর ওইখি। পরিষদকী জি এস থৌদাম নিলকুমারনা তরাম্না ওকপগী ৱারোল পীখি।
থৌরমগা মরী লৈননা হন্দক চহীদগী রাজকুমার কমলজিৎ সিংহ মেমোরিএল এচিবমেন্ত এৱার্দ ২০২৫ পীবা হৌখি। এৱার্দ অসি অহানবা ওইনা ঢাকাবাড়ীগী শক্নাইরবা পূং য়ৈবা অমদি ৱারী লীবা মায়থম নির্মল সিংহদা পীখি। থৌরম অসিগা মরী লৈননা সনখ্যা কমলজিৎপু শৈথারদুনা শৈরেং শৈদিন্নবা থৌরম অমসু অইবা ১৮ না শরুক য়াদুনা পাঙথোকখি হায়রি।
সোর্স: পোক্নফম
0 কমেন্ট:
কমেন্ট তৌবিয়ু